Foto: Astana qalasy ákimdigi
Erekshe balalardyń kedergisiz oınaýy úshin alańda taktıldi plıtkalar men baǵyttaýshy jolaqtar, ártúrli jabyndardan quralǵan sezimder jolaǵy (shaǵal tas, kógal, qum, bolat, jumsaq jabyn), Braıl qarpimen jazylǵan aqparattyq taqtaıshalar (álipbı, alań syzbasy, baǵdarlar), keń joldar men yńǵaıly navıgasııa ornatylǵan.
Demalys jáne tanym aımaqtaryna shatyr astyndaǵy shaǵyn kitaphana, qol tireýishi bar oryndyqtar men omyrtqa aýrýyna beıim balalarǵa arnalǵan arnaıy oryndyqtar, shatyr astyndaǵy as ústelderi, velosıped pen arbalarǵa arnalǵan turaq kiredi oıyn jáne sport alańdarynda batýttar men átkenshekter (onyń ishinde uıa-átkenshek), keme pishinindegi ınklıýzıvti oıyn kesheni, vorkaýt aımaǵy jáne arbamen oınaýǵa yńǵaıly kóterińki qumsalǵysh qoıylǵan.
Balalar úshin arnaıy jasalǵan ınteraktıvti mını-qalashyqta órt sóndirý beketi, jedel járdem, polısııa, qonaqúı, meıramhana syndy ǵımarattar men baǵdarshamdar, jaıaý júrginshiler ótkelderi, jol belgileri sekildi ınfraqurylym elementteri bar.
«Bizdiń mindetimiz – árbir otbasynyń ózin qoǵamnyń nazarynda, qamqorlyqta sezinýi ınklıýzıvti oıyn alańy – balalardyń esh kedergisiz birge oınap, birge damýyna jol ashatyn mańyzdy bastama», dedi Nura aýdanynyń ákimi Rıshat Turdybekov.
