2025 jylǵy sporttyq kúntizbege saı bes kezeńnen turatyn trofı-reıdten Qazaqstan chempıonaty Aqmola, Qostanaı, Soltústik Qazaqstan jáne Almaty oblystarynda uıymdastyrylyp, aqtyq kezeń Qapshaǵaı jaǵalaýynda ótip, maýsym jeńimpazdaryn anyqtady.
Jol talǵamaıtyn kólikter dodasyna elimizdiń 10 óńirinen jınalǵan 46 ekıpaj (92 sportshy – pılot pen shtýrman) TR-0, TR-1, TR-2, TR-3 sanattary boıynsha baq synady.
Jalpy trofı sporty eki baǵdarlamaǵa negizdelgen: alǵashqysy – taý-tas, saı-qyr, orman-toǵaı men ózendi eńserip, jasyrynǵan «GPS» núktelerin baǵyndyrý bolsa, ekinshisi – eń qyzyqty bólik sanalatyn aınalmaly jarys. Jol talǵamaıtyn tehnıkasyn saz-balshyqqa belden batyryp, máre syzyǵyna umtylǵan ekıpajdar saıysy erekshe áser qaldyrdy.
Nurpeıis QONYSBAI,
avtomotosporttan memlekettik jattyqtyrýshy
