Qylmystyq-atqarý júıesi komıtetiniń (QAJK) baspasóz qyzmeti er adamnyń qaıtys bolǵanyn rastady, biraq jeke basyn naqtylamady. Belgili bolǵandaı, qamaýdaǵy azamat kenetten kóz jumǵan. Aldyn ala boljam boıynsha, ólim sebebi – júrek jetispeýshiligi.
Bul jaǵdaı beınebaqylaý kamerasyna tirkelgen.
«Atalǵan fakti boıynsha tekserý júrgizilýde», – dep habarlady QAJK IIM baspasóz qyzmeti.
Qazirgi ýaqytta sot-medısınalyq saraptama jáne qyzmettik tekserý taǵaıyndaldy. Nátıjeleri qosymsha habarlanatyn bolady.
Eske salsaq, 2024 jyldyń 30 qazanynda Almatyda atalǵan sottyń sýdıasyna qatysty qylmystyq is qozǵalǵany habarlanǵan bolatyn. KUQK onyń ústinen QR QK-niń 366-baby («Para alý») jáne 190-baby («Alaıaqtyq») boıynsha sotqa deıingi tergeý júrgizip jatqanyn rastaǵan edi.
Tergeý múddesine baılanysty ózge aqparat jarııalanbady.
