Iаǵnı Eýrazııalyq ekonomıkalyq komıssııanyń 23 mamyrdaǵy №45 sheshimimen bekitilgen ózgerister kúshine enedi. Bul ózgerister «Dóńgelekti kólik quraldarynyń qaýipsizdigi týraly» tehnıkalyq reglamentke qatysty bolyp otyr.
Jańartylǵan erejelerde «bir kólik quraly» uǵymy naqty aıqyndalǵan. Endi bul termın jeke tulǵalardyń óz paıdalanýyna arnap ákeletin jalǵyz avtokólikti bildiredi. Mundaı kólikter jeke paıdalanýǵa arnalǵan kólik quraldary sanatyna jatqyzylady.
Sonymen qatar, Eýrazııalyq ekonomıkalyq komıssııa mundaı kólikterdiń naqty tizimin belgilegen. Bul tizim EEK Alqasynyń 2017 jylǵy 30 maýsymdaǵy №74 sheshimimen bekitilgen jáne oǵan avtokólikter men motosıklderge arnalǵan tirkemelerdiń keıbir túrleri kiredi.
Qarapaıym tilmen aıtqanda, 20 qazannan keıin jeke tulǵalar shetelden óz qajetine kólik ákelgende, ol resmı túrde «jeke paıdalanýǵa arnalǵan kólik quraly» retinde tanylyp, jańa tehnıkalyq talaptarǵa saı rásimdeledi.
Olarǵa mynalar jatady:
EAEO syrtqy ekonomıkalyq qyzmetiniń taýar nomenklatýrasynyń 8703 taýar pozısııasyna jatatyn jeńil avtomobılder (medısınalyq maqsattarǵa arnalǵan kólik quraldaryn qospaǵanda) jáne adamdardy tasymaldaýǵa arnalǵan basqa da avtokólik quraldary.
EAEO syrtqy ekonomıkalyq qyzmetiniń taýar nomenklatýrasynyń 8703 taýar pozısııasyna jatatyn kvadrosıklder, qar keshkish, qar men batpaqta júretin kólik, jol júris motokólik jáne jalpy paıdalanýdaǵy joldarda paıdalanýǵa arnalmaǵan basqa da motorly kólik quraldary (jalpyǵa ortaq joldarda paıdalanýǵa arnalmaǵan jarys avtomobılderin qospaǵanda).
EAEO syrtqy ekonomıkalyq qyzmetiniń taýar nomenklatýrasynyń 8711 taýar pozısııasyna jatqyzylǵan motosıklder, mopedter jáne motorollerler.
EAEO syrtqy ekonomıkalyq qyzmetiniń taýar nomenklatýrasynyń 8702 taýar pozısııasyna jatatyn júrgizýshini qosa alǵanda, 12 adamǵa deıin tasymaldaýǵa arnalǵan avtokólik quraldary, radıoaktıvtiligi joǵary materıaldardy tasymaldaý úshin arnaıy ázirlengen avtokólik quraldaryn qospaǵanda, EAEO syrtqy ekonomıkalyq qyzmetiniń taýar nomenklatýrasynyń 8704.21, 8704.31, 8704.41 jáne 8704.51 qosalqy pozısııalaryna jatatyn, jalpy salmaǵy 5 tonnany quraıtyn, júkterdi tasymaldaýǵa arnalǵan avtokólik quraldary.
Kólik quraldary men olardyń quramdas bólikterin, eger olar tehnıkalyq reglamentterge sáıkes bolsa, naryqta paıdalanýǵa ruqsat etiledi.
Jeke kólik quraldary úshin aınalymǵa shyǵarylǵan kezde tehnıkalyq reglamentterge sáıkestigin kýálandyratyn qujat kólik quralynyń konstrýksııasynyń qaýipsizdik kýáligin (KQKQK) bolyp tabylady.
Qaýipsizdik kýáligi kedendik resimdeý, kólik quralynyń elektrondyq pasportyn berý jáne ýtıl alymyn tóleý kezinde qajet.
Osylaısha, bıylǵy jylǵy 20 qazannan bastap jeke tulǵalar EEK Alqasynyń 2017 jylǵy 30 maýsymdaǵy № 74 sheshimimen bekitilgen tizimge engizilmegen kólik quraldaryna kólik quralynyń konstrýksııasynyń qaýipsizdik kýáligin ala almaıdy, sondyqtan: kedendik resimdeýdi aıaqtaýǵa, kólik quralynyń elektrondyq pasportyn alýǵa, kólik quralynyń ýtıl alymyn tóleýge nemese kólikti memlekettik tirkeýge qoıa almaıdy.
