3 qazan kúni áleýmettik jelide kúshtik qurylymǵa uqsas formadaǵy er adamnyń jedel járdem kóliginde tóbeles shyǵarǵan vıdeosy tarady. Janynda júrgen polısııa qyzmetkerleri er adamdy medısına qyzmetkerleri tekserý keregin aıtyp, jaǵa jyrtysýǵa umtylǵan er adamdy tynyshtandyrýǵa tyrysty.
- 2 qazan kúni Balyqshy yqshamaýdanynda adamdar Toyota Highlander kóliginiń ishinde esinen aıyrylǵandaı kúıde otyrǵan eki er adamdy baıqap qalyp, “103”-ke habarlasqan. Ekeýi de qatty mas. Biri polısııaǵa tapsyryldy, al ekinshisi — 29 jastaǵy atyraýlyq aıaǵynan jaraqat alǵandyqtan jedel járdem kóligine jetkizildi. Alaıda ol jedel járdem ishinde qarsylyq kórsetip, tóbeles shyǵarǵan. Ol polısııa formasyna uqsaıtyn kamýflıaj kıgen, – delingen jazbada.
Polısııa departamenti er adamnyń quqyq qorǵaý organdaryna eshqandaı qatysy joq ekenin naqtylady.
- Qylmystyq kodekstiń 346-baby (Kólik quralyn basqarý quqyǵynan aıyrylǵan adamnyń kólik júrgizýi) boıynsha qylmystyq is qozǵaldy jáne ákimshilik quqyq buzýshylyq týraly kodekstiń 675-baby (Formalyq kıimdi jáne arnaıy kıimdi zańsyz kııý) boıynsha hattama toltyryldy, – dep málimdedi polısııa.
Is materıaldary sotqa jiberildi.
