"Qaırat" FK tájirıbeli qorǵaýshy, Belarýs quramasynyń kapıtanymen kelisim-shart uzartqanyn qýana málimdeıdi. Jańa kelisim 2026 jyldyń sońyna deıin eseptelgen jáne taǵy bir maýsymǵa uzartý múmkindigi bar, - dep málimdedi "Qaırat" klýbynyń baspasóz qyzmeti.
Almatylyqtardyń kapıtany sanalatyn Martynovıch "Qaıratqa" 2024 jyldyń jazynda aýysqan bolatyn. Ol barlyq týrnırlerde 48 match ótkizip, bes gol soǵyp, eki nátıjeli pas bergen.
"Sary-qaralar" sapynda belorýs fýtbolshysy Qazaqstan chempıony (2024), Qazaqstan Sýperkýbogynyń ıegeri (2025) atandy jáne "Qaırattyń" Chempıondar lıgasynyń negizgi kezeńine shyǵýyna úles qosty.
Búgin, 5 qazan kúni almatylyq "Qaırat" Qazaqstan Premer-lıgasynyń 24-týrynyń shegerilgen match aıasynda taldyqorǵandyq "Jetisýdy" qabyldaıdy. Kezdesý Almatyda 16:00-de bastalady. Buǵan deıin eki komanda 56 ret jolyqqan: almatylyqtar 33 ret jeńiske jetse, taldyqorǵandyqtar 12 oıynda basym túsken, taǵy 11 match teń aıaqtalǵan. Doptar aıyrmasy – "Qaırattyń" paıdasyna 86:44. Qazir "Qaırat" 52 upaımen týrnır kestesinde ekinshi orynda, al "Jetisý" 21 upaı jınap, onynshy orynda tur.
