Komıtettiń resmı aqparatyna sáıkes, oqıǵa Almaty oblysy boıynsha departamenttiń medısınalyq bólimshesinde bolǵan.
Mamandardyń aldyn ala qorytyndysy boıynsha, sarbazdyń ólimine menıngokoksemııa – aǵzaǵa tez taraıtyn jáne aýyr ótetin juqpaly ınfeksııa – sebep bolýy múmkin.
«Atalǵan fakti boıynsha Almaty qalasy Naýryzbaı aýdanynyń polısııa basqarmasynda sotqa deıingi tergeý bastaldy. Qyzmettik tekseris taǵaıyndaldy», – delingen resmı habarlamada.
Qazir QR Qylmystyq-prosestik kodeksine sáıkes tıisti saraptamalar júrgizilip jatyr.
Oqıǵanyń naqty mán-jaıy men sebepteri qyzmettik tergeý nátıjesinde anyqtalatyn bolady.
Ulttyq qaýipsizdik komıtetiniń Shekara qyzmeti qaza tapqan sarbazdyń týystary men jaqyndaryna qaıǵyryp kóńil aıtty.
«Biz marqumnyń otbasy men týǵan-týystaryna shyn júrekten kóńil aıtamyz. Qyzmet babyndaǵy árbir jaýyngerdiń ómiri biz úshin qymbat», – dep málimdedi vedomstvo ókilderi.
