Sársenbekova Qaıyrkesh Sársenbekqyzy – ómirin urpaq tárbıesine arnaǵan ardager ustaz. Ol 1927 jyldyń 25 qyrkúıeginde Pavlodar oblysy, Lebıaji aýdany, Qyzyl-Qoǵan aýylynda dúnıege kelgen. Qazirgi tańda Aqqýly aýylynda turady.
Soǵys jyldarynyń balalyq shaǵy ońaı bolmady. Barlyq zamandastary sııaqty jasóspirim kezinde kolhozdyń egis alqabynda eńbek etip, aýyl sharýashylyǵyna qolǵabys tıgizdi. Keıin fermada esepshi bolyp jumys istep, sút qabyldap, ony kórshi aýyldaǵy daıyndyq pýnktine jetkizýmen aınalysty.
Mektepti aıaqtaǵan soń Pavlodar pedagogıkalyq ýchılıshesine túsip, bilim alyp shyqty. Sodan bastap bar ǵumyryn bastaýysh synyp muǵalimi qyzmetine arnady.
Ustazdyq eńbegi laıyqty baǵalanyp, Qazaq KSR-iniń qurmetti ataǵyna ıe boldy. «Halyq aǵartý isiniń ozyq qyzmetkeri» tósbelgisimen, «Qurmet belgisi» ordenimen marapattaldy. Sonymen qatar, ol «Qazaqstannyń úzdik adamdary» ensıklopedııasyna engen.
Kaırkesh Sarsenbekqyzy – tyl ardageri. Jeńistiń 50, 60, 65, 70, 75 jáne 80 jyldyq mereıtoılyq medaldarymen, sondaı-aq «Altyn alqa» tósbelgisimen marapattalǵan.
1947 jyly Uly Otan soǵysynyń ardageri, ustaz Elýbaev Nymet Elýbaıulymen shańyraq kóterip, birge segiz bala tárbıelep ósirdi.
