Qostanaı memlekettik pedagogıkalyq ınstıtýtynyń stýdentteri – jas sýretshiler Qostanaı kórkemsýret galereıasy uıymdastyrǵan ózderiniń «Kóktemgi vernısaj» atty tyrnaqaldy kórmesin Naýryzǵa arnady.
Tabıǵat býsanyp jatyr. Teristikten altyn kúrek jel esti. Aqpannyń qaharly aıazyn jeńgen kóktemniń jeli záhársiz, júzińdi jibek oramal sıpap ótkendeı bolady. Qar kóbesi sógilip, «jylǵalardan sý aqty, qańqyl-qańqyl qaz keldi». Aǵash dińine nár júgirdi. Uzaq qarǵa taldyń basyna byltyr salǵan uıasyn adaspaı tapqan sekildi. Jańa tirlik bastaýǵa bátýalasqandaı, uıa salǵan aǵashtyń ústimen tobymen ushyp-qonady. Saıraýyq sary shymshyq aǵashtyń ushar basyna shyǵyp saıraǵanda tóńirekti jańǵyrtady. Tabıǵat ana kóktemniń kelgenine habarshy shapqyzǵandaı, bir ýys qustyń daýysy, jerdiń ústin sergitip, zeńgir kók aspanǵa sińip jatqandaı. Kókten kún nuryn tógip, Samarqannyń kók tasy erigen Naýryzdyń osyndaı sýreti ár janarda turyp qalǵandaı, jannyń bári sergek.
Bilim ordasynyń Tarıh jáne óner fakýlteti óner kafedrasynyń aǵa oqytýshysy, Qazaqstan Sýretshiler odaǵynyń múshesi Ánýar Sápıev kórmeniń ashylý saltanatynda qylqalam ustaǵan 
ár talap kóktemdi óz kózimen kóretinin aıtty. Ustaz pikirin shákirtteri de ushtaı tústi.
– Kóktem bar tirshiliktiń dúr etip oıanatyn kezi. Qaıyń búrshiginen, syldyrap aqqan qar sýynan, jyl qusynyń saıraýynan tabıǵattyń úr tazalyǵyn sezinemiz. Júrekte oıanǵan meıirim-shapaǵat, taza sezim, ıman da adam janynyń kóktemi tárizdi. Salǵan shyǵarmadan sondaı bir shynaıylyq sezilip tursa, sýretshiniń jeńisi de sol emes pe?! Ár qylqalam kóktemin izdeıdi, – deıdi stýdent Sánııa Musabekova. Stýdent sýretshiler óz tyrnaqaldy shyǵarmalarynda osyǵan talpynypty. Kórmedegi qurbynyń portretinen boıjetkenniń ádemi minezin, sábıdiń sýretinen perishte kúlkisin, kóbelektiń qanatynan náziktikti kórgendeı boldyq. Jas talaptarǵa rıza bolǵan Qostanaıdyń belgili sýretshileri Nıkolaı Torshev pen Svetlana Shelýnova óner órisinde sátti qadam tiledi.
– Naýryzǵa arnaǵan kórme – ónerdegi alǵashqy qadamdaryń. Naýryz, kóktem sýretshi úshin 
taýsylmaıtyn taqyryp, boıaýlar gammasy, boıaý tilindegi fılosofııa. Sýretshilik ónerdiń eńbekten turatynyn umytpańdar. Eńbek ǵana shabyt shaqyrady. Kóktemderiń qutty bolsyn! – dedi sýretshi Nıkolaı Torshev.
Kórmege stýdentterdiń keskindeme jáne grafıka janryndaǵy 54 jumysy ilindi. Ár sýret kórermenge kóktem lebindeı jylylyq syılady.
Názıra JÁRIMBETOVA,
«Egemen Qazaqstan».
QOSTANAI.
Tabıǵat býsanyp jatyr. Teristikten altyn kúrek jel esti. Aqpannyń qaharly aıazyn jeńgen kóktemniń jeli záhársiz, júzińdi jibek oramal sıpap ótkendeı bolady. Qar kóbesi sógilip, «jylǵalardan sý aqty, qańqyl-qańqyl qaz keldi». Aǵash dińine nár júgirdi. Uzaq qarǵa taldyń basyna byltyr salǵan uıasyn adaspaı tapqan sekildi. Jańa tirlik bastaýǵa bátýalasqandaı, uıa salǵan aǵashtyń ústimen tobymen ushyp-qonady. Saıraýyq sary shymshyq aǵashtyń ushar basyna shyǵyp saıraǵanda tóńirekti jańǵyrtady. Tabıǵat ana kóktemniń kelgenine habarshy shapqyzǵandaı, bir ýys qustyń daýysy, jerdiń ústin sergitip, zeńgir kók aspanǵa sińip jatqandaı. Kókten kún nuryn tógip, Samarqannyń kók tasy erigen Naýryzdyń osyndaı sýreti ár janarda turyp qalǵandaı, jannyń bári sergek.
Bilim ordasynyń Tarıh jáne óner fakýlteti óner kafedrasynyń aǵa oqytýshysy, Qazaqstan Sýretshiler odaǵynyń múshesi Ánýar Sápıev kórmeniń ashylý saltanatynda qylqalam ustaǵan ár talap kóktemdi óz kózimen kóretinin aıtty. Ustaz pikirin shákirtteri de ushtaı tústi.
– Kóktem bar tirshiliktiń dúr etip oıanatyn kezi. Qaıyń búrshiginen, syldyrap aqqan qar sýynan, jyl qusynyń saıraýynan tabıǵattyń úr tazalyǵyn sezinemiz. Júrekte oıanǵan meıirim-shapaǵat, taza sezim, ıman da adam janynyń kóktemi tárizdi. Salǵan shyǵarmadan sondaı bir shynaıylyq sezilip tursa, sýretshiniń jeńisi de sol emes pe?! Ár qylqalam kóktemin izdeıdi, – deıdi stýdent Sánııa Musabekova. Stýdent sýretshiler óz tyrnaqaldy shyǵarmalarynda osyǵan talpynypty. Kórmedegi qurbynyń portretinen boıjetkenniń ádemi minezin, sábıdiń sýretinen perishte kúlkisin, kóbelektiń qanatynan náziktikti kórgendeı boldyq. Jas talaptarǵa rıza bolǵan Qostanaıdyń belgili sýretshileri Nıkolaı Torshev pen Svetlana Shelýnova óner órisinde sátti qadam tiledi.
– Naýryzǵa arnaǵan kórme – ónerdegi alǵashqy qadamdaryń. Naýryz, kóktem sýretshi úshin taýsylmaıtyn taqyryp, boıaýlar gammasy, boıaý tilindegi fılosofııa. Sýretshilik ónerdiń eńbekten turatynyn umytpańdar. Eńbek ǵana shabyt shaqyrady. Kóktemderiń qutty bolsyn! – dedi sýretshi Nıkolaı Torshev.
Kórmege stýdentterdiń keskindeme jáne grafıka janryndaǵy 54 jumysy ilindi. Ár sýret kórermenge kóktem lebindeı jylylyq syılady.
Názıra JÁRIMBETOVA,
«Egemen Qazaqstan».
QOSTANAI.
