Foto: pinterest.com
Kelissózder kezinde otandyq munaıdy Germanııaǵa tasymaldaý máseleleri talqylanyp, taraptar ózara tıimdi yntymaqtastyqty keńeıtýge daıyn ekenin bildirdi.
Qazaq munaıyn jetkizý týraly qoldanystaǵy kelisimshart 2026 jyldyń sońyna deıin uzartyldy. Qujatqa sáıkes, aı saıynǵy jetkizý kólemi 100 myń tonnadan 130 myń tonnaǵa deıin ósedi. Munaı «Qarashyǵanaq Petrolıým Opereıtıng B.V.» kompanııasynyń resýrstarynan eksporttalady.
Aıta ketsek, 2024 jyly «QazMunaıGaz» alǵash ret Qarashyǵanaq ken ornynan Germanııaǵa munaı jóneltýdi bastaǵan bolatyn. Al 2025 jyly «Tengızshevroıl» óndirgen munaı eksportqa shyǵaryldy.
Bıylǵy jyldyń toǵyz aıynyń qorytyndysy boıynsha Qazaqstannan Germanııanyń Shvedt qalasyndaǵy munaı óńdeý zaýytyna shamamen 1,5 mln tonna munaı jetkizildi.
