Baıandamany Premer-Mınıstrdiń birinshi orynbasary Roman Sklıar usyndy. Onyń aıtýynsha, óńirlerdiń basym bóliginde jylý berý maýsymy ýaqtyly bastaldy. Respýblıkanyń ońtústiginde jylý bekitilgen kestege jáne aýa raıynyń jaǵdaıyna sáıkes berilýde. О́tken Úkimet otyrysynan beri 1 energoblok, 10 qazandyq, 12 týrbına, 29 shaqyrym jylý jelisi, 828 elektr jelisi men 16 qosalqy stansa jóndeýden ótken.
Premer-Mınıstr óńir ákimderine jylý berý prosesin baqylaýda ustaýdy jáne halyqtyń kómirmen qamtamasyz etilýin erekshe nazarda ustaýdy tapsyrdy.
«Jylý kózderindegi barlyq josparly parametrdiń saqtalýyn, otynnyń normatıvtik qoryn qadaǵalap otyrý qajet. Rezervtik jabdyqtardyń ázirligin qamtamasyz etińizder. Kommýnaldyq qyzmetterdiń jóndeý brıgadalary kez kelgen jaǵdaıǵa shuǵyl áreket etýge tıis. Sondaı-aq halyqqa arnalǵan kómir baǵasynyń turaqty bolýyn da baqylaýda ustaý qajet», dedi Oljas Bektenov.
Bul baǵyttaǵy baqylaý men úılestirý Premer-Mınıstrdiń birinshi orynbasary Roman Sklıarǵa júkteldi.
