Tergeý dereginshe, 2021, 2023 jáne 2024 jyldary kúdiktiler Kókshetaý qalasynda birneshe adammen kezdesý kezinde oıdan shyǵarylǵan ne bolmashy sebeptermen aqsha talap etip, qorqytqan ári kúsh kórsetken.
Olar jábirlenýshilerden 5 myńnan 1,5 mıllıon teńgege deıin, al bir adamnan quny 4,5 mln teńge turatyn avtokólik berýdi talap etken.
Barlyǵy tórt jábirlenýshi sotta kýálik bergen.
Sotta olardyń kinási kýágerler men jábirlenýshilerdiń aıǵaqtarymen, saraptamalarmen, tintý jáne bettestirý hattamalarymen dáleldendi.
Jeńildetetin mán-jaı retinde sot aǵaıyndylardyń kámeletke tolmaǵan balalarynyń baryn eskergen.
Aǵaıyndylardyń birine 6 jyl bas bostandyǵynan aıyrý jazasy berildi.
Ekinshisine jáne olardyń tanysy 6,5 jylǵa sottaldy.
Bir aıyptalýshynyń áreketterinde resıdıv belgileri bar ekeni anyqtaldy.
Sot úkimimen aǵaıyndylardan jábirlenýshige 250 myń teńge moraldyq ótemaqy óndirý týraly sheshim qabyldandy.
Sonymen qatar, sot polısııa departamenti men prokýratýraǵa qylmystyq is júrgizý zańnamasynyń buzylýyna jol bermeý týraly jeke qaýlylar jiberdi.
Sot aktileri ázirge zańdy kúshine engen joq.
