«Kók shalǵyn» gúlzary Máńgilik alaý memorıaldyq kesheni, Dańq alleıasy, Táýelsizdik alańy men Maqtaı Saǵdıev kóshesin ózara tutastyryp, baılanystyrady. Meılinshe qysqa merzimde atqarylǵan jumys óz nátıjesin berip, otyrǵyzylǵan aǵashtar men kóp jyldyq japyraqty ekpeler, gúlder ósip-ónip, berik úılesim taýyp ketse, bul ara naǵyz kóńil toǵaıtyp, kóz qyzyqtyrar demalys aýmaǵy bolǵaly tur. Osy zamanǵy 11, 14 metrlik shabdal shamdardyń, jańa bedertastaǵy jaıly oryndyqtar men kózge jyly dekoratıvtik sáýlelerdiń arasynda ásirese, keshki mezgilde qydyryp júretin adamdar kóbeıdi.
– Biz bul qoǵamdyq keńistikti qaýipsizdik talaptaryn saqtaı otyryp, qala halqy men qonaqtarynyń demalysyna jańasha sıpat berý maqsatynda jasadyq. О́rkenıettiń synnan ótken tehnologııalaryn qoldandyq. Munyń bári turǵyndarǵa qolaıly ómir súrý, durys demalý jaǵdaılaryn týǵyzý turǵysynda atqarylyp jatqan jumystar, – dep atap ótti oblys ákimi Marat Ahmetjanov gúlzardyń ashylý saltanatynda.
Bul pikirdi odan ári damyta túsken osy jobanyń avtory, almatylyq landshafty sáýletshi-ýrbanıst Roman Shnaıderman:
– «Kók shalǵyn» – qoǵamdyq keńistikter jelisi. Ol 2,5 shaqyrym aralyqty qala ortalyǵymen qosyp, jańa jaǵalaýǵa deıin baratyn bolady. Sóıtip, turǵyndar «Kók shalǵyn» boıymen tolyqqandy demalýdyń paıdasy men tıimdiligin óz kóńil-kúıleri arqyly barynsha keńinen sezine túsedi, – dedi.
Keler jyly jaǵalaýdyń ón boıy tyń nysandarmen tolyǵa túsýge tıis. Saryarqa shaǵyn aýdanynda ÝEFA standarttaryna saı, zamanaýı 10 myń oryndyq stadıonnyń qurylysy josparlanyp otyr. Taıaý bolashaqta 20 qabatty turǵyn úıler de salyna bastaıdy.
О́ńir basshysy qala turǵyndarynyń nazaryn jańa qurylys nysandaryna uqyptylyqpen qaraý qajettiligine aýdardy. Alleıalarda beınekameralar ornatylady. Qoǵamdyq tártipti buzýshylar men jasalyp jatqan ıgilikke nusqan keltirýshiler zań júzinde qatań jaýapkershilikke tartylatyn bolady.
Jańa qoǵamdyq keńistikti ashý saltanaty naǵyz merekege aınaldy. Dańq alleıasynda Analar keńesi sándik-qoldanbaly óner kórmesin uıymdastyrdy. Batyr, akademık Málik Ǵabdýllın eskertkishi turǵan alańǵa batyr mýzeıiniń kóshpeli eksponattary qoıyldy. «Qoǵamdyq kelisim» qaýymdastyǵy men etno-mádenı birlestikterdiń ókilderi de halyqty ózderiniń kóztartar buıymdarymen qýantty.
KО́KShETAÝ
