Foto: Ashyq derekkóz
Eńbek jáne halyqty áleýmettik qorǵaý mınıstrligine 2026 jylǵa respýblıkalyq bıýdjetten 6,8 trıllıon teńge bólinbek. Onyń 6,7 trıllıony zeınetaqy men járdemaqy tólemderine baǵyttalady.
Qujatqa sáıkes, elimizdegi ortasha zeınetaqy:
- 2026 jyly – 103 687 teńge;
- 2027 jyly – 108 940 teńge;
- 2028 jyly – 113 995 teńge bolady.
Esterińizge sala keteıik, mınıstrliktiń dereginshe, 2025 jylǵy 1 tamyzdaǵy jaǵdaı boıynsha ortasha jıyntyq zeınetaqy 143 097 teńgeni qurady. Onyń ishinde 95 491 teńge – yntymaqtyq, 47 606 teńge – bazalyq. Al 1 qyrkúıektegi málimetterge sáıkes, elimizde 2 mıllıon 503 myń zeınetker bar.
2026 jyly ortasha bazalyq zeınetaqy mólsheri 54 082 teńgege jetedi. 2027 jyly ol 58 276 teńgege deıin ósse, al 2028 jyly 61 527 teńge bolady dep josparlanǵan.
2026–2028 jyldar aralyǵynda eń tómengi bazalyq zeınetaqy kúnkóris mınımýmynyń 70 paıyzyna teń bolmaq. Al eń joǵarǵysy 2026 jyly – 118 paıyzdy, 2027 jáne 2028 jyldary – 120 paıyzdy quraıdy. Qazirgi tańda eń tómengi bazalyq zeınetaqy 32 360 teńge bolsa, eń joǵarysy – 50 851 teńge.
