Jańa erejege sáıkes, sot úkimi nemese qaýlysy kúshine engennen keıin 5 jumys kúni ishinde jergilikti ákimdik:
- sottalǵan adamnyń turǵylyqty jeri boıynsha qoǵamǵa paıdaly eńbek túrin anyqtaıdy;
- qoǵamdyq jumysty uıymdastyrý týraly ókim shyǵarady;
- probasııa qyzmetine úkimniń (nemese qaýlynyń) alynǵany jáne qoǵamdyq jumysty uıymdastyrý týraly ókimniń kóshirmesin joldaıdy.
Sonymen qatar ákimdik:
- sottalǵan adamdy arnaıy kıimmen (jıletpen) jáne jumysqa qajet qural-jabdyqtarmen qamtamasyz etedi;
- probasııa qyzmetine atqarylǵan ýaqyt tabelin, istelgen jumys aktisin jáne tártip týraly málimetti jiberedi;
- sottalǵan adamnyń qoǵamdyq jumystan jaltarǵany anyqtalǵan jaǵdaıda, bul týraly dereý habarlaıdy.
Qujatta sotqa deıingi probasııanyń da qoldanylý tártibi naqty kórsetilgen. Ol kúdiktiler men aıyptalýshylarǵa erikti túrde usynylady. Probasııaǵa jatatyndar:
- kámeletke tolmaǵandar;
- múgedektigi bar azamattar;
- áıelder (58 jastan asqandar, júkti áıelder, úsh jasqa deıingi balasy barlar);
- erler (63 jastan asqandar nemese úsh jasqa deıingi balany jalǵyz tárbıelep otyrǵandar).
Jańartylǵan qaǵıda 2025 jylǵy 14 qazannan bastap kúshine enedi.
