Foto: Freepik
Poshtashylardyń tól merekesi Dúnıejúzilik poshta odaǵy 14-shi kongresiniń sheshimimen odaqtyń 1874 jyly 9 - qazan qurylýyna oraı atap ótiledi.
Alǵashqy Bas poshta odaǵy Germanııanyń Berne qalasynda 22 eldiń ókilderiniń músheligimen negizi qalanǵan. 1878 jyly odaq ataýyn Dúnıejúzilik poshta odaǵy dep ózgertken. Búginde bul odaqqa 189 memleket múshe. Al Qazaqstan odaq quramyna 1992 jyly kirgen.
Dúnıejúzilik poshta odaǵy ártúrli aýqymdaǵy fırmalarǵa klıentterdi izdep tabýǵa jáne olardyń suranystaryna jaýap berýge qolǵabys etedi.
Hat-habardy qaldyrýǵa arnalǵan poshta jáshikteri alǵash bolyp XVI ǵasyrda Italııanyń Florensııa qalasynda paıda bolǵan. Búginde poshta jáshikteri el-eldiń basym bólikterine ornalastyrylyp, ǵalamdaǵy barlyq poshta bólimi arqyly 1 mınýtta shamamen 5 mıllıon hat jóneltiledi eken.
Qazaqstan aýmaǵynda alǵashqy poshta bólimi Vernyı, qazirgi Almaty qalasynda 1860 jyly esigin ashqan.
Ulttyq statıstıka bıýrosynyń dereginshe, osy jyldyń qańtar-tamyz aralyǵynda Astana, Almaty, Shymkent qalalary men Qaraǵandy, Shyǵys Qazaqstan, Jambyl, Aqtóbe oblysynda eń kóp poshtalyq jáne kýrerlik qyzmet kórsetilgen.
Elimizde poshtashylar bir aýysymda 12 shaqyrymdaı jaıaý jol eńserip, 10 kelige deıingi sálem-saýqat jınalǵan sómkeni arqalaıdy.
