Foto: dpcity.ru
Qazaqstan chempıony ataný úshin elimizdiń 20 óńirinen 371 boksshy baq synaıdy. Onyń ishinde 246 er, 125 áıel bylǵary qolǵap sheberi bar.
El birinshiligi World Boxing uıymynyń salmaq dárejeleri boıynsha uıymdastyrylady.
«Osy chempıonatta 2026 jylǵa qurama bekitip alýymyz kerek. Sebebi keler jyly 4 jylda bir keletin Azııa chempıonaty ótedi. Mańyzdy jarysqa jaqsy qurama jasaqtaýdy maqsat etip otyrmyz. Qazaqstan chempıonatyna álem birinshiliginen júldeli bolǵan keı sportshylar qatyspaıdy», dedi Qazaqstan boks federasııasynyń bas hatshysy Mereı Aqshalov.
Al jastar, jasóspirimder arasyndaǵy birinshilikter qazan, qarasha, jeltoqsan aılarynda ótedi.
Boks básekesi Semeıdegi Abaı arenada ótedi. Arena bir mezette 5000 kórermendi qabyldaı alady.
