Sport • 10 Qazan, 2025

Jarys kúndeligi

50 ret

kórsetildi

1 mın

oqý úshin

24 qazanda Qytaıdyń Ýsı qalasynda taekvondodan álem chempıonatynyń jalaýy jelbireıdi. Dodada 180 memleketten kelgen 900-den asa daıan sheberleri kúsh synasady. Elimizdiń namysyn erler saıysynda Bekzod Qadirqulov (54 kg), Temirlan Tileýles (58 kg), Samırhon Ababakırov (63 kg), Damır Shúlenov (68 kg), Bekasyl Ergesh (74 kg), Batyrhan Tóleýǵalı (80 kg), Nurlan Myrzabaev (87 kg), Beıbarys Qablan (87 kg), áıelder básekesinde Aıdana Qumartaeva (46 kg), Nodıra Ahmedova (49 kg), Ázıza Qarajanova (53 kg), Marııa Sevostıanova (57 kg), Aısha Ádilbekqyzy (82 kg), Nuraı Qusaıynova (67 kg), Nazym Mahmutova (73 kg), Evgenııa Kaımova (+73 kg) qorǵaıdy.

Ǵalym SÚLEIMEN

Aralas jekpe-jek sheberi Qaırat Ahmetov (30 jeńis, 18 nokaýt, 2 jeńilis) Reseıdiń ASA-symen kelisimshartqa otyrdy. Kezinde «Alash Praıdta» sheberligin shyńdap, keıinnen álemdegi eń bedeldi ONE Championship promoýsheniniń asa jeńil salmaqtaǵy chempıony bolǵan qazaqtyń qaısar ulynyń júrip ótken joly jankúıerlerdiń kóz aldynda. Ár jeńisinen keıin «Qara jorǵa» bıleıtin Qaırat endi irgetasy Sheshenstanda qalanǵan ASA uıymynda óziniń myqtylyǵyn moıyndatatynyna senimdimiz.

11-12 qazan aralyǵynda Astanadaǵy Nazarbaev ýnıversıtetiniń atletıkalyq kesheninde semserlesýden «Myqtylar týrnıri» ótedi. Qazaqstan, О́zbekstan, Gonkong, Qyrǵyzstannyń eń úzdik sportshylarynyń basyn qosatyn dodada birneshe júlde jıyntyǵy sarapqa salynady.