Jastar meńgergen startap

Jasandy ıntellekt negizinde jasalǵan túrli startap jobalar «Digital Bridge – 2025» forý­­­my aıasynda tanystyryldy.  Jıyn barysynda IT álemdegi eń iri startap-dodalarynyń biri – Astana Hub Battle uıym­das­ty­ryl­dy.

Jartylaı fınalǵa báse­ke­ge qa­biletti 79 joba ótti, olar­dyń ishinen 14 úzdik star­tap fı­nal­­dyq kezeńge irik­tel­di. Atap aıtsaq, eXpace Technology, Hemo.Labs, Yaya, MoonAI, flection.ai, Cyberpack.AI, OpenSpot, Mirai Tech, Oina AI, Aigineer, NeuroGuard AI, MacDent, MindShield jáne WeGlobal AI syndy startaptar úzdikter qa­tary­nan kórindi. Sonymen qatar fınalǵa AI Sana Generative Pitch baı­qaýynda jeńiske jetken Trust­Exam AI da qosyldy.

– Astana Hub Battle óziniń óńir­degi IT-kásipkerler úshin bas­ty alań ekenin taǵy bir márte dálel­dedi. Búginde Ortalyq Eý­ra­­­­zııanyń startaptary jasan­dy ıntellekt, medısına, bilim berý, qarjy tehnologııalary jáne basqa da salalarda báse­kege qabiletti sheshimder usy­nyp otyr. Mundaı bastamalar bilim eko­nomıkasyn qalyp­tas­ty­ryp, jańa jumys oryndaryn ashyp, salanyń damýy­na tyń serpin beredi. Biz úshin kásip­ker­lerdi qoldaý ǵana emes, jastar­dyń tehnologııaǵa degen qyzy­ǵýshylyǵyn arttyrý da asa mańyzdy. Sebebi bolashaqqa bas­taıtyn eń úlken múmkindikter osy IT men AI salasynda jatyr, –  dedi Astana Hub bas dırektory Maǵjan Mádıev.

Astana Hub Battle 2025 je­ńim­pazdary jeti atalym bo­ıynsha anyqtaldy.

Best Social Impact atalymynda jasandy ıntellektini mektep oqýshylarynyń kásibı baǵdaryn anyqtaýǵa jáne psıhologııalyq qoldaý kórsetýge paıdalana­tyn WeGlobal.AI jeńiske jetti. Júldeni inDrive negizin qalaý­shysy ári bas dırektory Arsen Tomskıı tabys etti.

Discovery of the Year atalymynda Parkınson aýrýyn erte kezeńde anyqtaýǵa arnalǵan mobıldi qosymsha men bilezik jasap shyǵarǵan MindShield úzdik dep tanyldy. Marapatty Premer-mınıstrdiń orynbasary, Jasandy ıntellekt jáne sıfrlyq damý mınıstri Jasulan Mádıev tapsyrdy.

Exponential Growth ataly­mynyń jeńimpazy – mem­le­kettik organdarǵa, ýnıver­sıtetterge, emtıhan ortalyq­taryna aka­de­mııa­lyq adal­dyq­ty art­ty­rý­ǵa jáne kó­shirý faktilerimen kúre­sýge kómek­tesetin TrustExam AI startaby. Júldeni Telegram negizin qalaýshy ári bas dırektory Pavel Dýrov tabystady.

Ticket to the Future (Astana Hub Ventures-ten SAFE) ataly­myn­da shaǵyn jáne orta bıznes úshin jasandy ıntellekt ne­gizinde jumys isteıtin opera­sııalyq júıe usynatyn «Moon.AI startaby» jeńimpaz atandy. Júldeni Astana Hub bas dırektory Maǵjan Mádıev tapsyrdy.

MA7 Award (MA7 Ventures atynan) atalymynda «Mirai Tech» top jardy. Kompanııa jasandy ıntellekt pen avtonomdy qýattandyrýǵa negizdelgen sport pen reabılıtasııaǵa arnalǵan tozbaıtyn sensorlar ázirleýde. Júldeni MA7 Ventures negizin qalaýshysy Murat Abdrahmanov tapsyrdy.

«Qazaqtelekom» AQ arnaıy grant retinde quny 25 000 dol­larǵa teń GPU-resýrstardy usyn­dy. Ony stomatologııalyq klı­nı­kalar men medısına or­talyq­taryna arnalǵan bultty ERP/CRM platforma usynatyn MacDent jeńip aldy. Júldeni «Qa­zaqtelekom» AQ basqarma tór­aǵasy Baǵdat Mýsın tapsyrdy.

Sonymen qatar Yandex Qazaqstan Startup Spotlight Award arnaıy marapaty flection.ai startabyna berildi. Bul joba – ınsýlttan keıingi ońaltýdy jasandy ıntellektige negizdelgen oıyndar arqyly jeńildetetin veb-platforma. Júldeni «Yan­dex Cloud» kompa­nııasynyń Qazaq­stan jáne Ortalyq Azııa­daǵy marketıng boıynsha dırektory Janar Mahambetova tapsyrdy.

«Digital Bridge – 2025» halyq­aralyq forýmyndaǵy Astana Hub Battle fınaly barysynda otan­dyq cyberpack.AI startaby kút­­pegen qoldaýǵa ıe boldy. Telegram negizin qalaýshy Pavel Dýrov jo­baǵa 25 myń dollardy syıǵa tartty.

Cyberpack.AI – mobıldi qo­symsha, veb-platforma jáne balalarǵa arnalǵan ǵylym, tehnologııa, ınjenerııa, óner men matematıka baǵytyndaǵy (STEAM-jınaqtar) oqý kons­trýktorlaryn biriktirgen otan­dyq startap. Joba muǵa­limderge arnalǵan veb-plat­for­many, ádistemelik baǵdar­la­ma­ny, pedagogterdi daıarlaý júıe­sin jáne jarys­tardy da qam­tıdy. Mundaı tásil 7–18 jas ara­lyǵyndaǵy oqýshylarǵa ǵyly­mı jobalar jasaýǵa, olım­­pıada­larǵa daıyndalýǵa, ınje­ner­lik oılaýyn damytýǵa jáne tehnı­ka­lyq JOO-larǵa túsý men bolashaq man­sapqa qa­jet ǵylymı port­fo­lıo qalyp­­tastyrýǵa yq­pal etedi.

Bir jyl ishinde Cyberpack.AI óz ónimin Qazaqstan men Ázerbaıjandaǵy 70 mektep­ke engizdi. Budan bólek, halyq­aralyq ICRC jarysyn iske qosty jáne elimizdiń óńirle­rindegi memlekettik mekteptermen seriktestikti bel­sendi túrde keńeıtip keledi. Star­tap Astana Hub-tyń Startup Garage ınkýbasııalyq baǵdar­lamasynan ótip, jobany engizgen mektep sanyn 10 ese arttyrdy, halyqaralyq naryqqa shyqty jáne masshtabtaýǵa arnalǵan júıeli úderisterdi  jolǵa qoı­dy.