Foto: Sputnik / Ramıl Sıtdıkov
Kolledjdi aspaz mamandyǵy boıynsha támamdaǵan ol túrli salada eńbek etip kórgen. 19 jasynda áleýmettik jeliden kúnine 15 myń teńge tabys beriletin kýrer qyzmetin usynǵan jarnamaǵa kezikken. Osy jumysty baıqap kórýge sheshim qabyldaǵan boıjetken, 4 aı boıy esirtki tasymaldaǵan.
«Basynda bári ońaı ári qaýipsiz bolyp kórindi. Aqsha túsip turdy, bári baqylaýda sııaqty edi. О́zine senimdi boldy — eshkim baıqamaıtyn shyǵar», dep oılaǵan boıjetkenniń qylmysy 4 aıdan keıin áshkerelengen.
Sot sheshimimen boıjetken 4 jyl 6 aı merzimge bas bostandyǵynan aıyrylǵan. Qazir sottalýshy jeńil aqsha jolynda baıybyna barmaı jasaǵan qylmysy ózegin órteıtinin aıtty.
«Men óz mamandyǵym boıynsha jumys istep, tipti kofehana asha alar edim. Jeńil aqsha bolmaıdy eken. Munda ótkizetin ýaqytym úshin qatty ókinemin. Eń qıyny – týystaryma aýyr ári uıat. Bul – ashy sabaq. Alaıda ol úshin tólenetin baǵa tym joǵary», dedi ol.
