Jańa sýsyn 80 pa-ıyz túıe sútinen daıyndalady. Quramyna túrli jemis-jıdek qosylǵandyqtan, ónim dámi óte erekshe.
– Shubat – halqymyzdyń qasterli taǵamynyń biri. Alaıda jastar bul ónimdi árdaıym tutyna bermeıdi. Sol sebepti ony jańasha usynýdy maqsat ettik. Ári dástúr men zamanaýı dámdi úılestirgimiz keldi. Osylaısha, shubatqa kıvı men qulpynaı qosyp, jańa dám jasadyq. Birneshe márte tájirıbe jasap, dám úılesimdiligine mán berdik, – deıdi Sultanbek Rahatuly.
Joba avtorynyń aıtýynsha, jańa sýsynnyń dámin alǵash bolyp kolledj ujymy men stýdentter tatyp kórgen. Keıin «Caspian» kórmesinde Mańǵystaýǵa kelgen sheteldik qonaqtarǵa da usynylyp, oń baǵasyn aldy. Bul tájirıbe Sultanbekke ónimdi naryqqa jeke brend retinde shyǵarý ıdeıasyn usynýǵa sebep boldy.
Qazir stýdent óz óniminiń ataýy men dızaınyn jetildirip jatyr, sondaı-aq bul ıdeıany patentteýdi qolǵa aldy. Ol tabıǵı ári ulttyq ónim retinde sýsyndy keńinen tanystyryp, ekologııalyq taza, paıdaly ári zamanaýı taýar retinde naryqqa shyǵarýdy josparlap otyr. «Tutynýshylar shubattyń dámin unatyp, ony kúndelikti ómirde tutynsa, bul úlken jetistik bolmaq», deıdi ónertapqysh stýdent.
Mańǵystaý oblysy
