Qaıǵyly oqıǵa 11 qazan kúni «Omby–Maıqapshaǵaı» avtojolynyń Qyzylqoǵam aýylynan 3 shaqyrym jerde bolǵan.
- «VAZ-2110» markaly avtokóliktiń júrgizýshisi qolaısyz aýa raıy jaǵdaıynda kólikti basqara almaı, qarsy qozǵalys jolaǵyna shyǵyp ketken. Sol sátte qarsy kele jatqan júk kóligimen soqtyǵysqan. Oqıǵa saldarynan jeńil kóliktiń júrgizýshisi men jolaýshy kóz jumdy, - dep habarlady óńirlik polısııa departamentinen.
Polısııa jantúrshigerlik kólik apaty deregi boıynsha qylmystyq is qozǵady. Oqıǵanyń mán-jaıy men sebepteri tergeý barysynda anyqtalatyn bolady.
Polısıeıler qaıǵyly oqıǵalardyń aldyn alý maqsatynda jol qozǵalysyna qatysýshylarǵa jol júrý erejelerin qatań saqtaýdy, jyldamdyq rejımin tómendetýdi jáne kólik quralynyń tehnıkalyq jaǵdaıyn únemi qadaǵalap otyrýdy eskertedi.
Pavlodar oblysy
