Foto: istockphoto.com
Mınıstrdiń málimetinshe, jyl basynan beri 22 myń qazaqstandyq júrgizýshi kýáliginen aıyrylǵan, al 19 myń adam ákimshilik qamaýǵa alynǵan.
«Bárin retke keltirip jatyrmyz. Barlyq avtomektep esepke alyndy. Kýrstar týraly kýálikter men medısınalyq anyqtamalar elektrondy formatqa kóshirildi. Endi avtomektep ashý ruqsatyn berý quzyreti IIM-ge ótedi», dedi mınıstr.
Sondaı-aq vedomstvo basshysy elimizdegi avtoparktiń tehnıkalyq jaǵdaıyna da nazar aýdardy. Onyń aıtýynsha, eldegi kólikterdiń 50 paıyzdan astamy 20 jyldan eski, al tehnıkalyq baıqaýdyń sapasyna qatysty da kóptegen suraqtar bar.
Polısııa tarapynan jyl basynan beri 202 myń jaǵdaıda aqaýly kólikpen jolǵa shyǵý, 117 myń jaǵdaıda tehbaıqaýsyz júrý derekteri anyqtalǵan.
Osyǵan baılanysty IIM Kólik mınıstrligine tehnıkalyq baıqaý stansııalaryna jáne jolaýshy tasymaldaýshylarǵa baqylaýdy kúsheıtý jóninde usynys engizgen.
