Oblystyq bilim basqarmasynyń málimetine qaraǵanda, munaıly shaharda byltyr atalǵan sanattaǵy mekteptiń úsheýi, bıyl bireýi iske qosyldy. Endi Aqsaı-2, Juldyz-3 shaǵyn aýdandarynda osyndaı eki bilim ordasynyń qurylysy qolǵa alynǵan. Sondaı-aq Qulsary qalasynda 1200 oryndyq, Qurmanǵazy aýdanyndaǵy Aqkól aýylynda 600 orynǵa eseptelgen mekteptiń qabyrǵasy qalanyp jatyr.
El nazaryn aýdarǵan ulttyq joba aıasyndaǵy «Keleshek mektepteriniń» biri Atyraý qalasynyń Juldyz-2 shaǵyn aýdanynda ornalasqan. Jańa bilim ordasy jańa oqý jylynda oqýshylardy qabyldaı bastady. Mektep dırektory Oryngúl Qýandyqovanyń aıtýynsha, 900 oryndyq bilim ordasynda 1800 oqýshynyń sapaly bilim alýyna barlyq jaǵdaı jasalǵan.
«Zamanaýı úlgide salynǵan erekshe mekteptiń materıaldyq-tehnıkalyq bazasy tolyq jabdyqtaldy. Medısınalyq kabınet ashyldy. Nysan beınebaqylaý jáne qaýipsizdik júıesimen qamtamasyz etildi. Endigi maqsatymyz – ár oqýshynyń sapaly bilim alýyna barynsha jaıly ári qaýipsiz jaǵdaı qalyptastyrý», deıdi O.Qýandyqova.
О́tken jumada shahar irgesindegi shaǵyn aýdanda ashylǵan mektepte ashyq esik kúni ótti. Ata-analar mekteptiń materıaldyq-tehnıkalyq bazasymen tanysýǵa keldi. Olar kókeıde júrgen saýaldaryna jaýap aldy.
«Bul mektepke keletin úsh balam bar. Olar buryn Juldyz-1 shaǵyn aýdanyndaǵy №39 mektepke qatynaǵan edi. Oqýshynyń kóptiginen úshinshi aýysymda oqyǵan kezi boldy. Endi úıdiń janynan jaıly mektep ashylǵanyna balalarymyzben birge qýandyq. Ishi keń, jaryq, barlyq jaǵdaı jasalǵan eken», deıdi ata-ananyń biri Aınur Orazova.
Taǵy bir ata-ana Zarına Shaǵyraevanyń da eki balasy osy kezge deıin kórshiles shaǵyn aýdandaǵy bilim ordasynda oqyp kelgen. Bul olardyń alańsyz bilim alýyna kedergi bolǵan.
«Mekteptiń tym alys bolmaǵany jón. О́ıtkeni ár ata-ana balasynyń qaýipsizdigi úshin mektepten úıine kelgenge deıin alańdap otyrady. Eki balam úıge oralǵansha kóńilim baıyz tappaıtyn edi. Endi úı janyndaǵy jaıly mektepte bilim alatyn boldy», deıdi Z.Shaǵyraeva.
Oqýshylardyń ǵana emes, ata-analardyń da kóńiline qýanysh uıalatqan mekteptiń qandaı keremeti bar? Dırektordyń deregine qaraǵanda, bilim ordasy tórt gektar jer teliminde ornalasqan. Nysannyń aýmaǵy – 10 860 sharshy metr.
Ekinshiden, mekteptegi túrli kabınettiń sany 40-qa jýyqtaıdy. О́zge bilim ordalarynan ózgesheligi – ınklıýzıvti bilimge arnalǵan kabınettiń jabdyqtalýy. Munda bilim alýǵa keletin múmkindigi shekteýli oqýshylar joǵarǵy qabatqa arnaıy lıftimen kóteriledi. Buǵan qosa osy zamanǵy zerthanalar, shyǵarmashylyq sheberhanalar men
3 sport zaly bar. Oqýshylardyń oı-órisin damytatyn robottehnıkaǵa arnaıy kabınet bólinipti.
Úshinshiden, oqýshylar 206 oryndyq ashanada alańsyz tamaqtanady. Ashanadaǵy tamaq máziri qatań baqylaýǵa alynyp otyr. Munda gazdalǵan sýsyndar men táttiler satylmaıdy. Onyń ornyna oqýshylarǵa jas erekshelikterine saı qunarly taǵamdar usynylady.
Tórtinshiden, mektep aýlasynda balalar úshin oıyn alańy ashylypty. Al fýtbol oınaıtyn alańda jasandy kógal, voleıbol, basketbol men tennıs alańdaryna tartan jabyny tóselipti. Bul oqýshylardyń jaraqat almaýyna septigin tıgizedi.
Atyraý oblysy
