Kadet synybyna barlyǵy 22 oqýshy qabyldanǵan. Olar arnaıy baǵdarlama negizinde tártip, quqyqtyq bilim men patrıottyq tárbıe baǵytynda bilim alady. «Bul bastama jas býyndy Otanǵa qyzmet etýge, jaýapkershilik pen zańdylyqty qurmetteýge tárbıeleýge baǵyttalǵan» deıdi uıymdastyrýshylar.
Málik Saǵynuly Rýshanov – Batys Qazaqstan oblysy, Bórli aýdany, О́spen aýylynyń týmasy. Ol 1990 jyldan bastap ishki ister organdarynda qyzmet atqaryp, 1995 jylǵy 7 qazanda Aqsaı qalasynda qyzmet babynda erlikpen qaza tapqan.
Synyptyń ashylý rásimine ishki ister organdary ókilderi, sala ardagerleri, mektep ujymy men oqýshylar, marqumnyń týystary jáne qoǵam belsendileri keldi. Jıynda Málik Rýshanovtyń ómir joly men erligi týraly estelik aıtylyp, jas urpaqqa onyń batyrlyǵy úlgi etildi.
Aıta keteıik, Batys Qazaqstan oblysynda buǵan deıin eki «Jas saqshy» kadet synyby ashylǵan bolatyn. Onyń biri – Aqsaı qalasyndaǵy №5 orta mekteptiń polısııa podpolkovnıgi Ishbýlat Tóreǵojauly Shektebaev atyndaǵy synyby bolsa, ekinshisi Oral qalasyndaǵy B.Momyshuly atyndaǵy №46 mektepte – polısııa serjanty Ivat Qubaıdollauly Rýshanov atyndaǵy synyp.
Batys Qazaqstan oblystyq Polısııa departamentiniń qoldaýymen ashylyp jatqan «Jas saqshy» kadet synyptary – jas urpaq boıynda tártip pen patrıotızm sezimin qalyptastyryp, bolashaq quqyq qorǵaýshylardy tárbıeleıtin alǵashqy baspaldaqqa aınalyp keledi.
