Kommýnıkasııalyq lıýkterdiń temir qaqpaqtaryn alýǵa tıym salynǵanymen temir qaldyqtaryn jınaıtyn keıbir uıymdar áli kúnge ondaıdy ishinara qabyldaı beredi. Sonyń kesirinen ishimdikke qumar, azyp ketken adamdar qorshaǵan ortaǵa qaýiptiligin eskermeı qalanyń shetindegi lıýkterdiń qaqpaǵyn temir jınaýshylarǵa ótkizip, betin ashyq qaldyrǵan. Amanattyqtar osy máseleni anyqtap, tıisti mekemelerden plastmassalyq qaqpaqtar alǵyzyp, betin japqyzdy.
«Biz qaıǵyly jaǵdaıdy kútip otyrmaı, aldyn alý sharalaryn kúsheıtýimiz kerek. Árbir adam qaýipti baıqasa, jaýapty mekemelerge dereý habarlaýy kerektigin eskertemiz», – dedi qalalyq máslıhat depýtaty Tımýr Jumanov.
Reıd barysynda sondaı-aq aýlalardaǵy elektr qondyrǵylary da tekserildi. Sonymen birge mektepter men balabaqshalardaǵy terezelerge ornatylǵan bekitkishterdiń bar-joǵy anyqtaldy.
PETROPAVL
