Qurmetti otandastar!

Qazaqstan halqy Assambleıasy sizderdi Ulystyń uly kúni Naýryz meıramymen quttyqtaıdy! Naýryz – jalpyhalyqtyq meıram. Onyń bastaýynda beıbitshilik, kelisim, Otanǵa degen adal sezim, maqsattardyń bastaýy, jańarý jatyr. Bul kúnderi elimizdiń barlyq óńirinde Qazaqstan halqy Assambleıasynyń «Asar» respýblıkalyq áleýmettik aksııasy ótýde. Bul is-shara da qaıyrymdylyq pen izgilik jasaý arqyly birligimizdiń irgesin odan ári nyqtaı túsýge baǵyttalǵan. Naýryz merekesin atap ótý arqyly bizder ortaq dástúrli qundylyqtarymyzdy jańǵyrtýǵa, qamqorlyq jasaýǵa, zor senim men eńbeksúıgishtikti, ashyqtyq pen toleranttylyqty qalyptastyramyz. Bul kúni bizder jaqyndarymyzǵa janashyr bolyp, qorshaǵan ortamyzǵa qýanysh pen baqyt syılaımyz. Búginde Qazaqstan tarıhynda jańa kezeń bastaldy. Prezıdent N.Á.Nazarbaev taıaýdaǵy óziniń Úndeýinde bes halyqtyq reformany atap kórsetti – bul bizdiń memleketimizdiń birligi men turaqtylyǵynyń bes qadamy. Bul «2050» Strategııasy jáne «Nurly Jol» baǵdarlamalaryn júzege asyrýǵa bastar jol. Sondyqtan búgin ár qazaqstandyq qoǵamdyq kelisim men birligimizdiń arqasynda mindetterdiń sátti bolaryna senimdi. Qymbatty jerlester Naýryz – týǵan jerimizdiń qaıta jańarýynyń kórinisi. Barshalaryńyzdy kóktem merekesi, jyl basy Naýryz meıramymen shyn júrekten quttyqtaımyz. Ulystyń uly kúni árbir shańyraqqa qýanysh, baqyt, izgi úmitter ala kelsin. Otanymyz Qazaqstan gúldene bersin! Ulys oń bolsyn! Aq mol bolsyn! Naýryz meıramy qutty bolsyn!