Foto: Ashyq derekkóz
Izraıl Lıvannyń ońtústigindegi Nebatııa, Saıda, Mardjaıýn jáne Bınt Kýbeıl qalalaryna, sondaı-aq eldiń shyǵysyndaǵy Bekaa óńirindegi Baalbek qalasyna soqqy berdi. Áýe shabýyldary kezinde karerler men sement zaýyttary zaqymdanǵan.
Sondaı-aq áskerı ushaqtar Nebatııa mańyndaǵy Rýmın men Hýmın arasyndaǵy aımaqty nysanaǵa alsa, ushqyshsyz ushý apparaty Fevka qalasynyń soltústigindegi Alı-et-Tahır tóńiregine soqqy jasaǵan. Saıda mańyndaǵy Benafýl aýylyna eki, al Sarafand pen Beısarııa arasyndaǵy Herbe Dýveır aımaǵyna bir áýe soqqysy baǵyttaldy.
Izraıldiń drondary Sharkııa men Kýsrııa es-Saııad aýyldarynyń arasyndaǵy jolǵa basqarylatyn zymyranmen shabýyl jasap, jolda úlken krater qaldyrǵan.
2023 jyldyń qazan aıynda bastalǵan Izraıl men Lıvan arasyndaǵy qaqtyǵys 2024 jyldyń qyrkúıeginde keń aýqymdy soǵysqa ulasqan.. Qantógis saldarynan 4000-nan astam adam qaza taýyp, 17 myńǵa jýyq adam jaralanǵan, 19 adam tutqyndalǵan.
О́tken jyly qarashada Hezbolla men Izraıl arasynda atysty toqtatý jóninde kelisim jasalǵanymen, Izraıl bul shartty 4500 retten astam buzyp, júzdegen beıbit turǵynnyń ómirin qıdy jáne jaralanýyna sebep boldy.
