Foto: «Han-Táńiri» FK
Qazaqstan chempıonatynyń Birinshi lıgasy aıasynda ótken oıyn kezinde Dıas Tóleý ózin nashar sezingen, sodan keıin medısınalyq qyzmetkerler ony alańnan kóterip alyp ketken. Atalǵan oqıǵadan keıin úsh saǵat ótken soń Qazaqstan fýtbol federasııasy Dıas Tóleýdiń qaıtys bolǵanyn habarlady.
Qalalyq qoǵamdyq densaýlyq saqtaý basqarmasynyń málimetinshe, sportshy Almaty qalalyq ortalyq klınıkalyq aýrýhanasyna klınıkalyq ólim jaǵdaıynda jetkizilgen.
«Almaty qalalyq ortalyq klınıkalyq aýrýhanasynyń qabyldaý bólimine 2006 jyly týǵan pasıent klınıkalyq ólim jaǵdaıynda jetkizildi. Ony match kezinde kezekshilikte bolǵan jeke medısınalyq jedel járdem kóligi alyp kelgen. Qabyldaý kezinde júrek soǵysy men qan qysymy bolmaǵan, qarashyqtary keńeıgen. Medısınalyq brıgada 30 mınýt boıy reanımasııalyq sharalar júrgizgenimen, ómir belgilerin qalpyna keltirý múmkin bolmady. Bıologııalyq ólim tirkeldi», delingen habarlamada.
Qazir marqumnyń denesi ólimniń naqty sebebin anyqtaý maqsatynda sot-medısınalyq saraptamaǵa jiberilgen.
Aıta keteıik, Dıas Tóleý «Han-Táńiri» sapynda Birinshi lıgada eki maýsym ótkizip, úsh gol soqqan. Sondaı-aq «Qaırat» fýtbol akademııasynyń túlegi bolǵan.
