Jıyndy júrgizgen ál-Farabı atyndaǵy QazUÝ Ekonomıka jáne bıznes joǵary mektebiniń dekany, qaýymdastyrylǵan professor Janna Ermekova kórnekti ǵalymnyń otandyq joǵary mekteptiń damýyna súbeli úles qosyp, ekonomıkalyq ǵylymnyń qalyptasýyna jarqyn iz qaldyrǵanyn aıtty.
«Iаhııa Áýbákiruly ekonomıkalyq mamandyq qana emes, barlyq maman úshin ekonomıkanyń qyzmet etý qaǵıdasyn túsindirip, ózekti de negizdi sheshim qabyldap, saıasat pen reformalar saldaryn baǵalaýda ekonomıkalyq teorııanyń qajettiligin árkez dáleldep, onyń belsendi janashyry boldy. Búgingi tańda da ǵalymnyń ekonomıkalyq oı-tujyrymy óte ózekti», dedi ol.
Budan soń Ǵylym jáne joǵary bilim mınıstri Saıasat Nurbek Memleket basshysy Q.Toqaevtyń quttyqtaý hatyn oqyp, jınalǵan qonaqtarǵa izgi lebizin bildirdi. Sonymen birge Parlament Májilisiniń tóraǵasy Erlan Qoshanovtyń da quttyqtaýyn Májilis depýtaty Ekaterına Smolıakova jetkizdi. Al ál-Farabı atyndaǵy Qazaq ulttyq ýnıversıtetiniń rektory Janseıit Túımebaev is-sharaǵa qatysýshylardy konferensııanyń saltanatty ashylýymen quttyqtap, Iаhııa Áýbákirulynyń ómir joly otandyq ekonomıkalyq ǵylym men bilimniń qalyptasyp, ǵalymdardyń jańa býynyn tárbıeleý kezeńine aınalǵanyn atap ótti. Sondaı-aq is-shara aıasynda Iа. Áýbákirov týraly «Ǵıbadatty ǵumyr» atty kitap tanystyryldy. Munda ǵalymnyń ómiri men ǵylymı murasy tolyq qamtylǵan.
Konferensııanyń plenarlyq otyrysynda Qazaqstan Prezıdentiniń janyndaǵy Ulttyq ǵylym akademııasynyń vıse-prezıdenti Dıdar Batryshev, ǵalym Baqytjan Jumaǵulov, joǵary oqý oryndary qaýymdastyǵy men Turan ýnıversıtetiniń prezıdenti Rahman Alshanov, «Almaty Management University» prezıdenti Asylbek Qojahmetov, E. Bóketov atyndaǵy Qaraǵandy ulttyq zertteý ýnıversıtetiniń rektory Nurlan Dýlatbekov jáne ǵalymnyń qyzy kórnekti mýzykant, «Aubakirova School» avtorlyq mektebiniń dırektory Janııa Áýbákirova sóz aldy. Jıyn aıasynda Iаhııa Áýbákiruly týraly derekti fılm kórsetildi.
J. Ermekova,
ál-Farabı atyndaǵy QazUÝ Ekonomıka jáne bıznes joǵary mektebiniń dekany,
L. Bımendıeva, qaýymdastyrylǵan professor
