Onyń ishinde 230 mıllıon dollardy Saýd Arabııasynyń Al Nassr klýbynan alsa, taǵy 50 mıllıon dollardy Nike, Binance jáne Herbalife kompanııalarymen jasalǵan jarnamalyq kelisimsharttardan tabady.
Jasy 40-qa tolǵanyna qaramastan, Ronaldý mansabyn aıaqtaýǵa nıetti emes. Portýgalııa quramasymen birge ÝEFA Ulttar lıgasyn jeńip, Al Nassr klýbymen kelisimsharty aıaqtalǵan soń, ol mansabyn aıaqtaıdy degen qaýesetterdi tez joqqa shyǵaryp, klýbpen jańa eki jyldyq kelisimge qol qoıdy.
«Men áli de komandam men ulttyq quramama paıda ákelip júrmin. Nege jalǵastyrmasqa?» dedi Ronaldý portýgalııalyq Canal 11 telearnasyna bergen suhbatynda.
Ronaldýdyń tabysy oǵan sońǵy on jylda altynshy ret Forbes reıtınginiń kóshbasshysy bolýǵa múmkindik berdi. 2025–2026 maýsymynda álemniń eń kóp tabys tabatyn on fýtbolshysy jalpy 945 mıllıon dollar tapqan.
Ekinshi orynda — Inter Miami klýbynyń oıynshysy Lıonel Messı (130 mıllıon dollar), úshinshi orynda — Al Ittihad klýbynyń shabýylshysy Karım Benzema (104 mıllıon dollar).
Bestikti Real Madrid oıynshysy Kılıan Mbappe (95 mıllıon dollar) men Manchester City shabýylshysy Erlıng Holand (80 mıllıon dollar) túıindeıdi.
Jańa esimderdiń qatarynda — Barcelona klýbynyń 18 jastaǵy oıynshysy Lamıne Iаmal, ol alǵash ret úzdik ondyqqa ense, sonymen qatar onyń otandasy, Real Madrid oıynshysy 22 jastaǵy Djýd Bellıngem de tizimde bar.
