Qatonnyń baly Mılannyń kórmesine barady

ASTANA. 19 aqpan. Shyǵys Qazaqstan oblysy Qaton-Qaraǵaı aýdanynyń ekologııalyq jaǵynan taza bıorezervat ónimi bıylǵy 1 mamyrda Italııanyń Mılan qalasynda bastalatyn Búkilálemdik «EXPO-2015» kórmesine qoıylady. Bul týraly Altaynews.kz habarlady. Kórmeniń ózi «Planetany asyraý. О́mirge kerekti qýat» degen aıdarmen ótedi. Qaton-Qaraǵaı ulttyq parki IýNESKO-nyń bıosfera rezervaty halyqaralyq statýsyn alǵannan beri ol damýdyń jańa múmkindikterine qol jetkizdi. Osynyń taǵy bir aıǵaǵy, park Mılanda 1 mamyrdan 31 qazanǵa deıin ótetin «EXPO-2015» kórmesine qatysý jónindegi usynysyna qoldaý aldy. Bul týraly «Qaton-Qaraǵaı memlekettik ulttyq parki» respýblıkalyq memlekettik basqarmasy ekologııalyq aǵartý jáne týrızm bóliminiń bastyǵy Aleksandr Kobzarev aıtty. Mılandaǵy halyqaralyq kórme ekologııalyq jaǵynan taza ónimdarge arnalǵan. Mundaǵy sóz tek taǵam týraly ǵana emes, sonymen qatar kıim-keshek pen turmystyq tutynym zattary týraly da bolyp otyr. Aldyn ala málimet boıynsha, bizdiń adamdar Italııaǵa Qatonyń balyn aparǵaly otyr. Jergilikti ekologııa-týrızm ortalyqtarynyń mamandary halyqaralyq «Altyn Altaı – aımaqty damytý baılyǵy» granttyq jobasynyń sheńberinde bal qalbyrlaryna japsyrma qaǵazdar daıyndady. О́skemende birneshe jyldan beri ótip kele jatqan halyqaralyq bal festıvalinde sheteldik qatysýshylar oblystyń Qaton-Qaraǵaı aýdanynan ákelingen bal óniminiń ózindik keremet dámin talaı márte atap ótip keldi. Kórmege aparylatyn taýarlar tizimi keńeıtile túsedi. Onyń qataryna qazaq halqynyń sút ónimderi, syıkádeler men kıizden jasalǵan túrli buıymdar kiredi. Qazaqstan Mılandaǵy Búkilálemdik kórmege qatysýǵa tilek bildirgen 144 eldiń qatarynda bar. Bul bizdiń elimiz úshin Astanada ótetin «EXPO-2017» kórmesi aldyndaǵy tájirıbe jınaý da bolyp tabylady. Murat Aıtqoja. Derek, foto: Altaynews.kz.