О́zbekstan reıtıngte kósh bastap tur – eldiń 12 ókili (7 er jáne 5 áıel) úzdik bestikke engen.
Qazaqstan ekinshi orynda – 11 sportshymen (6 er, 5 áıel).
Odan keıingi oryndarda:
Túrkııa – 8 (7 áıel, 1 er),
Brazılııa – 7 (3 áıel, 4 er),
Qytaı – 6 (4 áıel, 2 er).
Anglııa, Úndistan jáne Japonııa quramalarynda úzdik bestikte bes-besten boksshy bar.
World Boxing reıtınginiń kóshbasshylary
Qazaqstan jeti salmaq dárejesinde birinshi orynda tur (tórt er jáne úsh áıel boksshy). О́zbekstannyń alty er sportshysy óz salmaǵynda kósh bastap keledi.
Áıelder arasynda úzdik nátıje kórsetken – Polshadan Iýlııa Sheremeta (57 kg, 2075 upaı). Ol bul upaılardy 2025 jylǵy álem chempıonatynda (Lıverpýl), Brazılııadaǵy Kýbokta (Fos-dý-Igýasý) jáne 2024 jylǵy Parıj Olımpıadasynda jınaǵan.
Erler arasynda ózbek boksshylary Abdýmalık Halokov (60 kg) jáne Asadhýdja Mýıdınhýdjaev (65 kg) 3000 upaımen kósh bastap tur. Ekeýi de 2025 jylǵy álem chempıonaty men 2024 jylǵy Olımpıadanyń jeńimpazdary.
Qazaqstandyq boksshylardyń reıtıngi
Erler arasynda eń joǵary nátıje kórsetken – Aıbek Oralbaı (90 kg-nan joǵary). Ol 2025 upaımen 4-orynda.
Sondaı-aq úzdik bestikke Sanjar Tashkenbaı (50 kg) men Mahmýd Sabyrhan (55 kg) endi – ekeýinde de 1650 upaı bar.
Áıelder arasynda Nazym Qyzaıbaı (51 kg) 1750 upaımen 4-orynda.
Onyń aldynda:
Iýlııa Sheremeta (Polsha, 57 kg, 2075 upaı),
Býsenaz Chakyroǵlý (Túrkııa, 51 kg, 1975 upaı),
Rebeka De Lıma Santos (Brazılııa, 60 kg, 1837,5 upaı).
Bestikti Taıvan ókili Hýan Sıaoven (54 kg, 1725 upaı) túıindeıdi.
Reıtıng qalaı esepteledi?
World Boxing reıtıngi úsh jyldyq upaı júıesine negizdelgen (2024 jylǵy Olımpıadadan bastap).
Upaılar World Boxing sanksııalaǵan jarystarda jınalady:
Álem chempıonattary,
Olımpıada oıyndary,
Álem kýbogy jáne onyń fınaldary (World Boxing Cup),
World Boxing Challenge serııasy.
Keıin kontınenttik chempıonattar da tizimge qosylady.
Alǵashqy reıtıng jeti basty týrnırdiń nátıjesine súıenip jasaldy, onyń ishinde Astanadaǵy Kýbok pen 2025 jylǵy Lıverpýldegi álem chempıonaty bar.
Aıta keteıik, Qazaqstan quramasy 2025 jylǵy álem chempıonatynda jalpykomandalyq esepte birinshi oryndy ıelendi.
