Foto: Sý resýrstary jáne ırrıgasııa mınıstrligi
Vedomstvo basshysy Kóksý aýdanynda Islam damý bankiniń qoldaýymen júzege asyrylyp jatqan ırrıgasııalyq jáne drenajdyq júıelerdi rekonstrýksııalaý jobasyn tekserdi, birinshi kezeń boıynsha jóndelip jatqan 108,7 shaqyrymdyq 9 kanal 2026 jyly aıaqtalady.
Aqsý aýdanynda kanaldardy betondaý jumystarynyń 75 paıyzy oryndalǵan tolyq aıaqtaý kelesi jylǵa josparlanǵan, nátıjesinde 11 myń gektar jerge turaqty sý jetkiziledi. Bıyl qyrkúıek aıynda Aqsý aýdanynda kúrdeli rekonstrýksııadan keıin Qyzylaǵash sý qoımasy paıdalanýǵa berildi. Qazirgi ýaqytta mınıstrliktiń Sý sharýashylyǵy komıteti Qyzylaǵash massıvin salý jobasyn júzege asyryp jatyr. Bul joba Aqsý aýdanyndaǵy sýarmaly jer kólemin 4 500 gektarǵa arttyrýǵa múmkindik beredi.
N.Nurjigitov jumystardy belgilengen merzimde aıaqtaýdy tapsyryp, jobalardyń sýarmaly jerlerdiń kólemin kóbeıtýge baǵyttalǵanyn atap ótti.
«Barlyq jumys kestege saı júrip jatyr jáne ýaqytynda aıaqtalýy kerek. Bizdiń mınıstrlik aýqymdy jobalardy júzege asyrý úshin ınvestısııalar men granttyq qarajatty belsendi tartyp otyr. Endi osy bastamalardy sońyna deıin jetkizý qajet. Agrarlyq sektordy sapaly ári ýaqytyly sýmen qamtamasyz etý – bizdiń basty mindetterimizdiń biri», dedi mınıstr.
