Keshe Qytaıdyń Nınbo qalasynda ótken WTA 500 týrnırinde jeńiske jetken Qazaqstannyń birinshi raketkasy Elena Rybakına álemdik reıtıngte úsh satyǵa kóterilip, 10-orynnan 7-orynǵa shyqty.
Al taǵy bir qazaqstandyq sportshy Iýlııa Pýtınseva reıtıngte 69-orynnan 79-orynǵa tómendedi.
Juptyq saıystarda óner kórsetetin Anna Danılına óz pozısııasyn saqtap, 13-orynda qaldy.
WTA chempıondyq kestesinde Rybakına burynǵysha 9-satyda tur.
Qarasha aıynda Er-Rııadta ótetin maýsym qorytyndy týrnırine qatysý úshin otandyq tennısshi úzdik segizdik qataryna enýi qajet. Ol úshin Tokıoda (Japonııa) ótetin WTA 500 týrnırinde aldaǵy eki kezdesýinde jeńiske jetse jetkilikti. Bul jaǵdaıda Rybakına 8-oryndaǵy reseılik Mırra Andreevany artqa tastaıdy. Aıta keteıik, Andreeva osy aptada ótetin jarystarǵa qatyspaıdy.
