Foto: Qazaqstan TV
Oqý-aǵartý mınıstrligi oqýshylardyń demalysyn tıimdi ótkizý úshin «Adal azamat» birtutas tárbıe baǵdarlamasy aıasynda is-sharalar josparyn usynyp otyr.
Jospar patrıotızm, ádilettilik jáne jaýapkershilik sııaqty qundylyqtardy damytýǵa baǵyttalǵan is-sharalardy qamtıdy:
«Balalar kitaphanasy» jobasyn iske asyrý sheńberinde «Demalysta kitap oqımyz» is-sharasy;
«Býllıngten qorǵan!» qaýipsizdik sabaǵy;
«Mektep teatrynyń» jumysyn uıymdastyrýǵa keńes berilgen.
«Eń bastysy, balalardyń qaýipsizdigin qamtamasyz etý. Osy maqsatta ata-analarmen birge jol-kólik jaraqattarynyń aldyn alý is-sharalaryna, mekteptiń ishki tártibin saqtaý, balalardyń kóshede qaýipsizdigi, úıdegi órt qaýipsizdigi jáne kıberqaýipsizdik sharalaryna erekshe nazar aýdarý qajet», delingen mınıstrlik habarlamasynda.
