Qyzmettik mindet pen ofıserlik ar-namysqa adaldyq, ómirlik qıyn syndar men sabaqtar týraly ardagerler jas áriptesterine tálimdi áńgimeler aıtty. «Urpaqtar sabaqtastyǵy» taqyrybyndaǵy osy shara Respýblıka kúni jáne Qazaqstan Respýblıkasynyń Memlekettik egemendigi týraly Deklarasııanyń 35 jyldyǵy qarsańynda oblystyq polısııa departamentiniń murajaıynda ótti.
Tájirıbeli tergeýshiler Atymtaı Amanjolov pen Kúlbaram Bákenova, jedel ýákil Farıt Begıshev jas polıseılerge zamanaýı tehnıka men baılanys quraldary bolmaǵan kezeńderde de tabandylyq pen zańǵa adaldyqtyń arqasynda aýyr jáne kúrdeli qylmystardy ashqan sátterin eske aldy. «Polısııa qyzmeti aýyr, biraq qyzyqty jaǵy da kóp jumys» – dedi óziniń sózinde PD tálimgerler keńesiniń tóraǵasy, polısııa polkovnıgi Qapez Dáýletbaev.
PETROPAVL
