Úmitkerlerge qatysty  naqty sheshim qabyldaıdy

Ortalyq saılaý komıssııasy 24 naýryz kúni Lıngvıs­tıkalyq komıssııanyń synaǵyna kelmegen úmitkerlerge qatysty sheshim qabyldaıdy. Bul jóninde OSK múshesi Marat Sársenbaev málim etti. «Memlekettik tildi erkin meńgergendigin anyqtaý synaǵyna 4 adam kelgen joq, dedi ol. Olar: Iа.Júnisbekov, Q.Maıshev, A.О́tepova jáne A.Asylbek. Biz olardy kútýdemiz. Eger olar kelmese, 24 naýryz kúni Ortalyq saılaý komıssııasy arnaıy sheshim qabyldaıtyn bolady». Onyń atap ótýinshe, prezıdenttikke kandıdattardy tirkeý kezeńi 25 naý­ryzda aıaqtalyp, sol kúnnen bas­tap 24 sáýirge deıin úgit-nasıhat jumystary júrgiziledi. «Jeti adam Lıngvıstıkalyq komıssııa synaǵyn sátti tapsyrdy, 8 adam emtıhan tapsyra almady, 2 adamnyń jasy 40-qa tolmaǵandyqtan, olardy úmitker retinde tirkeýden bas tartyldy. Emtıhanǵa 4 adam kelmese, 3 adam memlekettik tildi erkin meńgergendigin dáleldeýden óz erikterimen bas tartty. Kandıdatýrasyn óz qalaýymen 3 adam alyp tas­tady», dedi M.Sársembaev. Sonymen qatar, OSK múshesi N.Nazarbaevtyń, T.Syz­dy­qovtyń jáne Á.Qusaıy­nov­tyń kandıdat retinde tirkel­genin eske saldy. Álısultan QULANBAI, «Egemen Qazaqstan».