Foto: Zakon.kz
Atalǵan tólemdi alýǵa jalpy 5468 adam ótinish bildirgen. Eńbek jáne halyqty áleýmettik qorǵaý mınıstrliginiń málimetinshe eki kózden tólenetin arnaýly áleýmettik tólemge (respýblıkalyq bıýdjet jáne Biryńǵaı jınaqtaýshy zeınetaqy qory) 436 adam júgindi, onyń ishinde 431 adamǵa taǵaıyndaldy.
Tórt qarjylandyrý kózinen beriletin AÁT (respýblıkalyq bıýdjet, Biryńǵaı jınaqtaýshy zeınetaqy qory, jumys berýshi jáne ómirdi saqtandyrý uıymy) taǵaıyndaýǵa 5032 adam ótinish bildirip, onyń 4956-ine taǵaıyndalǵan.
Sondaı-aq, 116 azamat saqtandyrý kompanııasymen zeınetkerlik annýıtet shartyn jasaý maqsatynda joldanǵan SMS habarlamaǵa 75 azamat jaýap bermegen. Mindetti sharttardy oryndamaǵandyqtan 6 ótinish berýshige AÁT taǵaıyndaýdan bas tartyldy.
О́ńirler boıynsha arnaýly áleýmettik tólemderdi alýǵa eń kóp ótinish Qaraǵandy oblysynan tústi: 2 kózden – 66 adam, 4 kózden – 720 adam. Al Pavlodar oblysynda 2 kózden – 27 adam, al 4 kózden – 671 adam jáne Shyǵys Qazaqstannan 2 kózden – 39 adam, al 4 kózden – 398 adam tirkelgen.
2024 jyldyń 1 qańtarynan bastap elimizde zııandy eńbek jaǵdaılarynda uzaq ýaqyt jumys istegen adamdarǵa arnaýly áleýmettik tólem engizildi.
Arnaýly áleýmettik tólem taǵaıyndaý úshin ótinish berýshi 55 jasqa tolýy shart. Sondaı-aq Biryńǵaı jınaqtaýshy zeınetaqy qorynda (BJZQ) keminde 7 jyl kásiptik zeınetaqy aýdarymdarynyń bolýy mindetti. Tólem zeınetkerlik jasqa deıin tólenedi. Arnaýly áleýmettik tólemderdi alýshy adam odan ári zııandy jumystarmen aınalyspaýǵa tıis. Tek jeńil jumysqa aýysa alady, sodan keıin olar jalaqy men tólem alady nemese demalysqa shyǵyp, zeınetke shyqqanǵa deıin arnaýly áleýmettik tólem beriledi.
