Foto: Global Look Press
Serbııalyq áriptesi Aleksandra Krýnıchpen tandem qurǵan qazaqstandyq sportshy alǵashqy aınalymda meksıkalyq Djýlıana Olmos pen ındonezııalyq Aldıla Sýtdjıadjıadan basym túsken. Bir saǵatqa jýyqqa sozylǵan match Danılına – Krýnıch jubynyń aıqyn jeńisimen aıaqtaldy — 6:1, 6:3.
Sonymen qatar, Elena Rybakına da Tokıo kortynda ónerin jalǵastyrady. Álemniń jetinshi raketkasy sanalatyn Rybakınanyń alǵashqy qarsylasy búgin belgili boldy. Birinshi aınalymda kanadalyq Leıla Fernandes (WTA – 22) grekııalyq Marııa Sakkarıdi (WTA – 54) 7:6 (7:5), 6:4 esebimen jeńip, kelesi aınalymda Rybakınamen kezdesýge joldama aldy.
Al Qytaıdyń Gýanchjoý qalasynda ótip jatqan WTA 250 týrnırinde Qazaqstannyń taǵy bir ókili, álemniń 76-raketkasy Iýlııa Pýtınseva alǵashqy aınalymda reseılik Alına Korneevany (WTA – 165) 7:6 (7:2), 4:6, 6:4 esebimen utty. Eki jarym saǵatqa jýyqqa sozylǵan tartysty matchta Pýtınseva jeńisti julyp alyp, jarystyń shırek fınalyna shyǵý múmkindigin saqtap qaldy.
Kelesi kezeńde Iýlııa Pýtınseva álemdik reıtıngtiń 96-satysyndaǵy germanııalyq Ella Zaıdelmen kortqa shyǵady.
