Perınataldyq ortalyq dırektorynyń ýaqytsha mindetin atqarýshy Merýert Aıdarhanovanyń aıtýynsha, bólimshege bıýdjet qarjysy esebinen zamanaýı jóndeý júrgizilgen. Sondaı-aq aýany tazartyp, jeldetetin júıe, jańadan hırýrgııalyq jaryqtandyrý jabdyǵy, reanımasııalyq ústel, tynys alý apparaty men MAC R32D rentgen qondyrǵysy ornatylǵan.
«Bólimsheniń jumysy qyrkúıek aıynda bastaldy. Sodan beri 4 nárestege sátti ota jasaldy. Bizdiń ortalyqta joǵary kásibı neonatolog-dárigerler jumys isteıdi. Olar arnaıy medısınalyq jabdyqtyń kómegimen shuǵyl hırýrgııalyq kómeksiz aman qalýǵa múmkindigi joq balalardyń ómirin saqtaýdy kózdeıdi», deıdi Merýert Aıdarhanova.
Onyń deregine qaraǵanda, oblysta jyl saıyn 25-30 náreste hırýrgııalyq patologııamen ómirge keledi. Endi jańa bólimshe bóbektiń alǵashqy ómirin saqtap qalýǵa, sábı óliminiń sanyn azaıtýǵa yqpal etedi.
