«Jastar resýrstyq ortalyǵy» uıymdastyrǵan «Aýyldaǵy bir kúnim» taqyrybymen ótken saıysta aýdanǵa qarasty 13 aýyldyq okrýgten kelgen qatysýshylar birneshe komandaǵa bólinip, ózara baq synasty. Ereje boıynsha er jigitter sadaq atý, asyq atý, qazaq kúresi, mas-restlıng (taıaq tartys), alyptar saıysy jáne arqan tartý syndy ulttyq oıyn túrlerinen kúsh synasty. Al qyz-kelinshekter qaýymy arasynda tabaǵa nan jabý, qamyr jaıý, kespe kesý, talqannan jent jasaý, ulttyq taǵam túrlerin ázirleý boıynsha saıystar ótti.
Qatysýshylar aýyl ómiriniń sáni men saltyn kórsetip, óz óneri men sheberlikterin kórsetti. Kórermender qazaqtyń ulttyq oıyndary men taǵam dástúrlerine qanyǵyp, aýyl tirshiliginiń ásem kórinisin tamashalady. Qazylar alqasynyń sheshimimen Turbat aýyly okrýgi komandasy jeńimpaz tanylsa, ekinshi oryndy Qarabaý aýyly okrýgi, úshinshi oryndy Qazyǵurt aýyly okrýgi ıelendi. Aýdan ákimi Azızhan Ismaılov úzdik dep tanylǵan komandalarǵa arnaıy dıplom, alǵyshat jáne baǵaly syılyqtar tabys etti.
Túrkistan oblysy
