Sýret: ortalyq.kz
Bizdiń bólimde zamanaýı tehnologııalar engizilgen. Bul ádis úsh qabatty boıaýdy bir sıklde jaǵýǵa múmkindik beredi. Iаǵnı burynǵydaı ár qabat jeke keptirilmeıdi, barlyq úderis bir tizbekte ótedi. Sonyń arqasynda boıaý sapasy turaqty deńgeıde saqtalyp, ýaqyt pen energııa únemdeledi. Mysaly, dástúrli ádiste ár qabat úshin jeke pesh qajet bolsa, jańa júıede onyń bári bir kezeńde oryndalady.
Ekologııalyq talaptar – bizdiń sehtyń basty basymdyǵynyń biri. Osy baǵytta «Artio» júıesi jumys isteıdi. Bul júıe boıaý úderisi kezinde bólinetin ushpa organıkalyq qosylystardy joǵary temperatýrada tolyq ydyratyp, olardy kómirqyshqyl gazy men sý býyna aınaldyrady. Sonymen qatar úderiste paıda bolǵan jylý qaıta qoldanylady. Bul tásil gaz jáne elektr energııasynyń shyǵynyn azaıtyp, jalpy óndiristiń ekologııalyq qaýipsizdigi men energııa tıimdiligin arttyrady.
«Kia Qazaqstan» zaýytynyń iske qosylýy elimiz úshin úlken jetistik boldy. Endi bizde avtokólikterdi tolyq óndiristik sıklmen daıyndap, syrtqa shyǵarýǵa múmkindik týdy. Bul jańa jumys oryndarynyń ashylýyna jáne ınjener mamandarynyń kásibı damýyna jol ashyp otyr. Zaýytta qazir júzdegen jas maman eńbek etedi, olardyń kópshiligi arnaıy oqý oryndarynda daıyndyqtan ótken. Bir bóligi Koreıada taǵylymdamaǵa qatysqan.
О́ndiristiń osyndaı deńgeıge kóterilýi tehnologııalyq táýelsizdikti nyǵaıtyp, Qazaqstandy Ortalyq Azııadaǵy avtomobıl óndirisiniń jańa ortalyǵyna aınaldyrady. Bul – tek zaýyt emes, eldiń ınjenerlik áleýetin kóterip, zamanaýı óndiris mádenıetin qalyptastyratyn orta.
Bizdiń maqsatymyz – joǵary sapaly ónim shyǵaryp qana qoımaı, ekologııalyq jáne tehnologııalyq turǵydan jańa standart qalyptastyrý. «Kia Qazaqstan» zaýytynyń tájirıbesi bolashaqta otandyq mashına jasaý salasynyń damýyna serpin beredi dep senemin.
Ámirhan AMANJOLOV,
«Kia Qazaqstan» zaýyty boıaý sehynyń ınjener-tehnologi
