Foto: Ashyq derekkóz
Mınıstrdiń aıtýynsha, Qazaqstannyń salyq-bıýdjet saıasaty memlekettik qarjynyń ornyqtylyǵy men teńgerimdiligin qamtamasyz etýge, bıýdjet tapshylyǵyn azaıtýǵa, sondaı-aq Ulttyq qor qarajatyn óz qarajatymen almastyrýǵa baǵyttalǵan.
Sonymen qatar bıýdjet jobasy Memlekettik qarjyny basqarýdyń 2030 jylǵa deıingi tujyrymdamasyna jáne bıýdjet qaǵıdattaryna saı ázirlengenin atap ótti.
«Kirister 2026 jyly 19,2 trln teńge kóleminde nemese jalpy ishki ónimge qatysty 10,5% deńgeıinde boljanýda. Osy jyldyń baǵalaýymen salystyrǵanda ósim 4,7 trln teńgeni qurap, 2028 jylǵa qaraı 23,2 trln teńgege deıin nemese 20,8%-ǵa ósedi dep kútilýde. Jalpy, respýblıkalyq bıýdjettiń menshikti kiristermen qamtamasyz etilýi 2025 jylǵy 63,7%-dan 2028 jyly 83,5%-ǵa deıin ósedi», dedi Serik Jumanǵarın.
