Foto: Úkimettiń baspasóz qyzmeti
«О́zderińiz biletindeı, bıyl qabyldanǵan jańa Bıýdjet kodeksine dıvıdend tóleýden alynatyn úles árbir ulttyq kompanııadan keminde 50 jáne 70%-ǵa deıin bolýy tıis degen norma engizilgen. Buryn bul norma joq edi. Bul shektik meje Úkimettiń qaýlysymen belgilendi. Biz muny ashyqtyqqa, esep berýge, ulttyq kompanııalardyń qarajatyn jumsaýǵa parlament tarapynan qadaǵalaýdy arttyrýǵa jasalǵan eleýli qadam dep sanaımyz», dedi Úkimet basshysy.
Onyń aıtýynsha, ulttyq kompanııalardyń qarajatyn paıdalaný barysy zańmen qatań retteledi. Satyp alý rásimderi men shyǵyndar týraly málimetter respýblıkalyq bıýdjettiń atqarylýy jónindegi eseppen birge jarııalanady. Májilis depýtattary men qoǵam ókilderi bul aqparatty zerttep, baqylaý jáne túzetýler engizý múmkindigine ıe.
Premer-mınıstr «Samuryq-Qazyna» qorynyń úlesine qatysty mysal keltirip, qordyń 53 trln teńge kólemindegi iri ınvestısııalyq baǵdarlamany júzege asyryp jatqanyn aıtty.
«Siz aıtyp otyrǵan naqty somalarǵa kelsek, shyn máninde, bul soma – memlekettik bıýdjetke túsetin dıvıdendterdegi aıyrmashylyq, ol «Samuryq-Qazyna» qory esebinen qalyptasyp otyr.Men bul rette birqatar sıfr keltirgim kelip otyr. Qor, negizgi memlekettik damý ınstıtýty retinde, 53 trln teńgege baǵalanatyn óte aýqymdy ınvestısııalyq baǵdarlamany júzege asyrýda. Bul úlken soma. Árıne, Qor osy ınvestısııalyq baǵdarlamany júzege asyrý úshin óz qarajatyn jumsap qana qoımaı, naryqtan da qaryz alýǵa májbúr, bul qalypty jaǵdaı dep sanaımyz», dedi Oljas Bektenov.
Sonymen qatar Oljas Bektenov «Samuryq-Qazyna» qory ınvestısııalyq baǵdarlamadan bólek elimizdiń ár óńirde birqatar áleýmettik jobany júzege asyryp jatqanyn atap ótti.
«Mysaly, óńirlerde tek densaýlyq saqtaý nysandaryn salýdyń ózine 550 mlrd teńge baǵyttalyp otyr, al elimizdiń barlyq óńirinde jalǵa beriletin turǵyn úı qurylysyna 272 mlrd teńge bólingen.Bul degenimiz – óte mańyzdy ınvestısııalar, sondyqtan da men aıtqan faktorlardy eskere otyryp, «Samuryq-Qazyna» qorynyń dıvıdendteri boıynsha qabyldanǵan sheshimder bir negizge súıengen jáne jan-jaqty qarastyrylǵan sheshimder dep esepteımiz», dedi Premer-mınıstr Oljas Bektenov.
