Oblystyq polısııa departamenti bastyǵynyń birinshi orynbasary Serik Toqtybaev ótken jylmen salystyrǵanda bıyl qoǵamdyq oryndar men kóshelerde jasalatyn quqyq buzýshylyqtar sany azaıǵanyn aıtady. Jyl basynan beri jastardyń quqyqtyq saýattylyǵyn arttyrý maqsatynda bilim berý uıymdarynda toǵyz myńnan asa kezdesý ótkizilipti.
«Odan bólek, «2024 – 2026 jyldarǵa arnalǵan urlyqtarǵa qarsy is-qımyl» baǵdarlamasy aıasynda birqatar tıisti profılaktıkalyq sharalar uıymdastyryldy. Nátıjesinde, bótenniń múlkin urlaý qylmysynyń tirkelýi 50,5 paıyzǵa azaıyp, ashylýy 9,6 paıyzǵa jaqsardy. Jedel-izdestirý is-sharalary barysynda mal urlyǵymen aınalysqan 5 qylmystyq toptyń áreketi áshkerelendi. Mal urlyqtarynyń aldyn alý maqsatynda departament turaqty túrde reıdtik sharalar júrgizip, belgilenbegen oryndarda qaraýsyz júrgen mal ıelerine 851 ákimshilik shara qoldanyldy. Veterınarııa qyzmetkerlerimen birlese jasaǵan reıdterde jalpy 364 ákimshilik quqyq buzýshylyq tirkelse, onyń 279-y mal nemese et ónimderin zańsyz tasymaldaý derekteri bolyp otyr», deıdi departament bastyǵynyń birinshi orynbasary.
Sonymen qatar, 5 000-nan asa alaıaqtyq belgileri bar saıttar men siltemeler anyqtalyp, buǵattaý úshin «Kıbernadzor» júıesine engizildi. Esirtki qylmysyna qatysty 237 quqyq buzýshylyq anyqtaldy.
