Osyǵan baılanysty Qylmystyq kodekstiń 345-babynyń 3-bóligimen (Abaısyzda adam ólimine ákep soqqan jol qozǵalysy erejelerin buzý) qylmystyq is qozǵalǵan edi. Atalǵan is Jylyoı aýdandyq sotynda qaraldy.
«2025 jylǵy 7 shildede Qulsary qalasynda avtobýs júrgizýshisi O. kóshe qıylysynda jol belgisin elemeı, kámeletke tolmaǵan B. aıdap kele jatqan motosıklmen soqtyǵysyp, jol-kólik oqıǵasyn jasaǵan. Jol apatynyń saldarynan kámeletke tolmaǵan B. esin jımastan aýrýhanada qaıtys bolǵan», dep habarlady aýdandyq sottan.
Prokýror aıyptalýshyǵa 5 jyl merzimge kólik quraldaryn basqarý quqyǵynan, 2 jyl 6 aı merzimge bas bostandyǵynan aıyrý jazasyn taǵaıyndaýdy usyndy. Jábirlenýshiniń ókili zań talaptaryna sáıkes jaza berýdi surady. Alaıda aıyptalýshy óz kinásin moıyndamaǵan.
«Sottalýshynyń asyraýynda jas balalarynyń bary, buryn sottalmaǵany jaza men qylmystyq jaýapkershilikti jeńildetetin mán-jaılar retinde tanyldy. Aýyrlatatyn mán-jaılar anyqtalmady. Júrgizýshi O. Qylmystyq kodekstiń 345-babynyń 3-bóligimen kináli dep tanyldy. Oǵan 5 jyl merzimge kólik quraldaryn basqarý quqyǵynan, 2 jyl 6 aı merzimge bas bostandyǵynan aıyrý jazasy taǵaıyndaldy», dep málimdedi Jylyoı aýdandyq sotynan.
Sot úkimi zańdy kúshine engen joq.
