Sıfrlyq aktıvtermen tólem jasaıdy

Keıingi jyldary álemdik qar­jy naryǵynda sıfrlyq aktıvter men krıptovalıýtanyń úlesi aıtarlyqtaı artty. Birneshe jyl buryn balamaly ınvestısııa qu­raly sanalatyn krıptovalıýta búginde jahandyq ekonomıkanyń mańyzdy bóligine aınalyp otyr. Jyl basyndaǵy málimet boıyn­sha krıptovalıýtalardyń jalpy naryqtyq kapıtalızasııasy shamamen 3,28 trıllıon AQSh dollaryna jetken. Bul kórsetkish 2023 jyly 2,5 trıllıon dollar shamasynda bolǵanyn eskersek, naryqta­ǵy ósý qarqynynyń qanshalyq­ty joǵary ekenin ańǵarýǵa bola­dy. Al Qazaqstan naryǵyna kel­sek, eldegi krıptovalıýtaǵa ıelik etý deńgeıi ázirge ortasha shamamen 5–8 paıyz aralyǵynda. KPMG zertteýinde 2024 jyldyń sońyna qaraı 1,5 mıllıonǵa jýyq otandyq sıfrlyq aktıvter aınalymyna qatysýy múmkin degen derek kel­tirilgen. Bul naryqtyń endi ǵana qalyptasyp kele jatqanyn kór­setedi. Degenmen Ulttyq bank krıptovalıýta men sıfrlyq aktıvter naryǵyn damytýǵa den qoıyp otyr.

Jańa joba «Digital Bridge 2025» forýmynda Ulttyq bank pen Ulttyq tólem korporasııasynyń stendinde tanystyryldy. «Bybit Kazakhstan» kompanııasy Ulttyq bank pen Ulttyq tólem korpora­sııasymen birlese otyryp, sıfr­lyq aktıvter arqyly tólem jasaý­ǵa múmkindik beretin qanatqaqty ­jobany iske qosty. Júıeniń ­ju­­mys isteý qaǵıdasy óte qarapa­­ıym. Satyp alýshy kassadaǵy standartty QR-kodty skaner­leı­di de, «Bybit Kazakhstan» qosym­sha­sy arqyly tólemdi rastaı­dy. Osy sátte krıptovalıýta somasy avtomatty túrde teńgege aınalyp, mysaly, «Bank SentrKredıt» arqyly satýshy shotyna túsedi. Atalǵan bank – alǵashqylardyń biri bolyp krıptovalıýtalyq platformalarmen zań talaptaryn saqtaı otyryp ıntegrasııa jasaǵan qarjy ınstıtýty. Tutynýshy «Bybit Kazakhstan» krıptoámııa­­nyn kez kelgen bank arqyly tolty­ra alady. Máselen, bcc.kz mobıldi qosymshasynda arnaıy bólim bar, onda aqsha aýda­rý úshin derekterdi engizýdiń ne syrtqy qyzmetterge júginýdiń qajeti joq. Iаǵnı krıptovalıýtany aqshaǵa aınaldyrýdyń qajeti joq. Barlyq úderis ashyq ári tolyq baqylaýda bolady.

Synaq kezeńinde paıdalaný­shy­larǵa arnaıy esep berý júıesi, shekteýler men paıdalanýshy­larǵa arnalǵan túsindirme nusqaýlyq­tar usynylady. Degenmen ázirge bul sheshim jalpy qoldanysqa engizilmegen. Sebebi sıfrlyq aktıvterdi kúndelikti ómirde paıdalaný boıynsha zań júıesi tolyq qalyptaspaǵan. Sarapshylar­dyń aıtýynsha, bul másele jyl sońyna qaraı sheshimin tabýy múmkin.

Krıptoámııansyz júretin tuty­nýshylar úshin de jaqsy jańa­lyq bar. Endi satyp alý kezinde kez kelgen banktiń mobıldi qosym­shasyn paıdalana berýge bolady. Burynǵydaı bir shottan ekinshisine aqsha aýdaryp áýre bolýdyń esh qajeti joq. Jaqynda Ulttyq tólem korporasııasy bank aralyq QR-tólemder qyzmetin resmı túrde iske qosty. Bul bastamaǵa qazirdiń ózinde «Bank SentrKredıt», «Freedom Bank», «Home Credit Bank» qosylyp úlgergen. «Mysaly, tutynýshy­nyń telefonynda «Freedom Bank» qosymshasy bar delik, biraq ol BCC termınaly arqyly da tólem jasaı alady. Bul – ári paıdalanýshyǵa, ári bankke, ári bızneske tıimdi sheshim», dep túsindirdi «Bank SentrKredıt» ókili.

Joǵaryda aıtqanymyzdaı, sıfr­­­­­lyq aktıvtermen nemese krıp­­­to­valıýtamen  tólem jasa­ǵy­ńyz kelse, kelesi 3 qadamdy jasaý jetkilikti:

1. Kassada nemese saıtta QR arqyly tóleýdi tańdaý;
2. О́z bank qosymshasy arqyly kodty skanerleý;
3. Tólemdi rastaý.

Osydan keıin júıe bankter arasyndaǵy derekterdi avtomatty túrde sáıkestendirip, satýshyǵa tólemdi aýdarady. Túbirtek te sol sátte shyǵady. Barlyq is-áreket ekranda kórinip turady. Synaq merziminde paıdalanýshylardyń aıtýynsha, bul – óte yńǵaıly júıe.

Kásipkerler úshin de eleýli ózgeris joq. Kassa men termınaldar burynǵy tártippen jumys isteıdi. Barlyq jańartý bankterdiń tehnıkalyq júıesinde oryndalady. Al derekterdiń qaýipsizdigin jáne tólemderdi marshrýttaý júıesin Ulttyq tólem korporasııasy qamtamasyz etedi. «Qazir kásipkerlerdiń tańdaýy shekteýli. Al jańa júıe bankter arasynda báseke týǵyzady. Bul degenimiz – bıznes ókilderi úshin shekteý azaıady degen sóz», deıdi korporasııa ókili.

Qanatqaqty joba búginde «Bank SentrKredıt», «Freedom Bank», «Home Credit Bank» termınaldary bar saý­da núktelerinde sátti jumys istep tur. Jyl sońyna deıin taǵy tórt qarjy uıymy qosylmaq. Tehnı­ka­lyq turǵyda júıe tolyq daıyn. Endigi kezekte onyń jappaı engi­zilýi bankterdiń beıimdelý jyl­damdyǵyna baılanysty bolady.

Osylaısha, elimizdiń qarjy na­ry­ǵy qazir sıfrlyq dáýirdiń jańa kezeńine aıaq basyp keledi. Krıp­tovalıýta men ulttyq tólem ınfra­qurylymynyń birigýi – el ekonomı­kasyn bolashaq sıfrlyq eko­júıege beıimdeýdiń mańyzdy qadamy.