Kelisim Qazaqstan men Ońtústik Koreıa arasyndaǵy ǵylymı-tehnologııalyq yntymaqtastyqtyń jańa kezeńine jol ashyp, «AI SilkNet» ǵylymı-tehnologııalyq forsaıt jáne boljamdy taldaý ortalyǵyn qurýdy kózdeıdi.
Jańa ortalyqtyń maqsaty – jasandy ıntellekt, úlken derekter jáne ssenarıılik modeldeý salalaryndaǵy Ońtústik Koreıanyń ozyq tehnologııasyn elimizdiń zııatkerlik áleýetimen ushtastyrý. Ortalyq Almatydaǵy Prezıdent janyndaǵy UǴA bazasynda ornalasady. Onyń qyzmetin Akademııa men KISTI-diń birlesken atqarýshy komıteti basqarady. Basqarý júıesi ózara tájirıbe almasý qaǵıdattaryna negizdelip, jetekshilik qyzmetti Qazaqstan men Ońtústik Koreıa ókilderi kezekpen atqarady.
Prezıdent janyndaǵy UǴA prezıdenti A.Kúrishbaev KISTI prezıdenti doktor Sık Lıdiń qoldaýyna rızashylyǵyn bildirip, «AI SilkNet» ortalyǵynyń bolashaǵy jaıynda aıtyp ótti.
Qazirgi tańda jasandy ıntellekt strategııalyq oılaýdyń negizgi quralyna aınalyp otyr. Bul reaktıvti basqarýdan proaktıvti basqarýǵa kóshý, ıaǵnı boljamdar men ssenarıılerdiń memlekettik saıasattyń ajyramas bóligine aınalatyn bolady. Azııadaǵy sýperkompıýterlik jáne taldamalyq tehnologııalar salasynda jetekshi orynǵa ıe KISTI júıeleriniń negizinde elimizde ǵylym men tehnologııanyń damý úrdisin boljaýǵa, basym baǵytty aıqyndaýǵa jáne strategııalyq sheshimder qabyldaýdy memlekettik ári korporatıvtik deńgeıde qoldaýǵa jol ashatyn ulttyq boljamdy taldaý jáne forsaıt júıesiniń qurylýynyń bolashaǵy zor.
Ortalyqtyń qyzmeti ǵylymı jarııalanymdar, patentter men tehnologııalar boıynsha biryńǵaı sıfrlyq platforma men derekter bazasyn qurýǵa, sondaı-aq forsaıt-zertteýlerge arnalǵan boljamdy taldaý quralyn ázirleýge baǵyttalady.
ALMATY
