Barlyq oqýshyǵa qoljetimdi júıe

«Inklıýzıvti bilim berý» uǵymy Qazaqstan Respýb­lıkasynyń «Bilim týraly» zańynda bekitilgen, bul barlyq balanyń erekshe bilim berý qajettiligi men jeke múmkindigin eskere otyryp, bilim alý quqyǵyna kepildik beredi.

Zańnamalyq deńgeıde erekshe bilim berý qajettilik­teri bar balalardy barlyq bilim deńgeıinde oqytyp, ar­naıy jaǵdaı jasaýǵa memlekettik kepildik berilgen. Son­daı-aq bilim berý qajettiligin baǵalaýdy, psıhologııalyq-pedagogıkalyq qoldaýdy, oqý josparyn, baǵdarlamasyn jáne oqýshy jetistigin baǵalaý júıesiniń ártúrliligi men ıkemdiligin qamtamasyz etýge qatysty normalar engizilgen.

Búginde elimizde 6 myńnan astam mektepte (90%) ınklıýzıvti bilim berýge jaǵdaı jasalǵan. Sonyń ishinde kedergisiz qoljetimdilik jáne qajetti mamandarmen qamtamasyz etildi. Inklıýzıvti bilimmen 100 myńnan astam erekshe bilim berý qajettiligi bar bala qamtylǵan.

Memleket basshysynyń tapsyrmasy boıynsha «Kele­shek mektepteri» ulttyq jobasy belsendi júzege asyp otyr. Joba aıasynda 460 myń oqýshy orny ashylady.

«Keleshek mektepteri» jobasy aıasynda pedagogter men oqýshylarǵa yńǵaıly ári  qaýipsizdik jaǵ­daıy jasalǵan. Erekshe bilim berý qajettiligi bar balalarǵa arnalǵan keńis­tikti beıimdeý qarastyrylǵan. Sondaı-aq psıho­log, áleý­­mettik pedagog, logoped jáne basqa mamandarǵa arnaıy kabınet jabdyqtalǵan. Munda ar­na­ıy pedagogter, pedagog-psıhologter, pedagog-assıs­­­­­tentter sııaqty bilikti mamandar jumys isteıdi. Olar erekshe qajettiligi bar balalarǵa kómektesedi.

«Keleshek mektepteri» ınklıýzıvti bilim qaǵıdasyn kádimgi jalpy bilim beretin mektep sekildi tolyq júzege asyrady. Bilim ordasynda ǵımarattardy jobalaý kezinde kedergisiz orta talaby eskerilgen: pandýs, jedelsaty, keń ótkel, arnaıy sanıtarlyq torap jáne nashar kóretinder men estý qabileti tómen adamdarǵa arnalǵan navıgasııa júıesi jasalǵan.

Oqý úderisi – barshaǵa qoljetimdi. Onyń aıasynda jeke oqý baǵdarlamasy, pedagog-assıstentter men psıho­lo­gııalyq-pedagogıkalyq qoldaý júzege asady. Sony­­men qatar STEM zerthanalary men ınteraktıvti taqtalar sııaq­ty zamanaýı tehnologııany erekshe bilim berý qa­jetti­likteri bar balalarmen birge árbir oqýshy paıdalanady.

Keıingi eki jylda jańa formattaǵy 176 mektep salyndy. Bıyl jyl sońyna deıin taǵy 41 mektep paıdalanýǵa beriledi.

Bulbul ELEÝSINOVA,

Oqý-aǵartý mınıstrligi  Inklıýzıvti jáne arnaıy bilim berý departamentiniń dırektory